അഴിയൂര്‍: മാഹി റെയില്‍വേ സ്റ്റേഷന് പരിസരത്ത് നിന്നു ബുള്ളറ്റ് ബൈക്ക് കളവ് ചെയ്ത പ്രതി പിടിയില്‍. കോഴിക്കോട് കല്ലായി 
സ്വദേശി കോയ തൊടുവയില്‍ വീട്ടില്‍ മുഹമ്മദ് ഇന്‍സുദീനാണ് (32) ചോമ്പാല പോലീസിന്റെ പിടിയിലായത്. ജില്ലയ്ക്കകത്തും പുറത്തും നിരവധി മോഷണ കേസുകളിലും മയക്ക് മരുന്ന് കേസിലും പ്രതിയാണ് ഇയാള്‍. സിസിടിവി ക്യാമറകള്‍ കേന്ദ്രീകരിച്ച് നടത്തിയ അന്വേഷണത്തിനൊടുവില്‍ കോഴിക്കോട് പാളയം മാര്‍ക്കറ്റിന് സമീപം വെച്ച് ബുള്ളറ്റ് സഹിതം പ്രതിയെ സാഹസികമായി പിടികൂടുകയായിരുന്നു. എസ്‌ഐ വി.കെ.മനീഷിന്റെ നേതൃത്വത്തില്‍ സീനിയര്‍ സിവില്‍ പോലീസ് ഓഫീസര്‍മാരായ പി.ടി.സജിത്ത്, ചിത്രദാസ്, സിവില്‍ പോലീസ് ഓഫീസര്‍മാരായ അജേഷ്, രാഗേഷ് എന്നിവരും സിറ്റി ക്രൈം സ്‌ക്വാഡ് അംഗങ്ങളും ചേര്‍ന്നാണ് പ്രതിയെ പിടികൂടിയത്.
