പാലക്കാട്: പാലക്കാട് നഗരസഭയിൽ ബിജെപിക്ക് കനത്ത തിരിച്ചടി. 2021 ലെ തെരഞ്ഞെടുപ്പിനെ അപേക്ഷിച്ച് ഇത്തവണ ഏഴായിരം വോട്ട് കുറഞ്ഞു. യുഡിഎഫ് അപ്രതീക്ഷിത മുന്നേറ്റം കാഴ്ചവച്ച ഇവിടെ ഇടത് സ്ഥാനാർത്ഥിയും വോട്ടുയർത്തി. എന്നാൽ ബിജെപിക്ക് വലിയ ക്ഷീണമാണ് സംഭവിച്ചിരിക്കുന്നത്.
2021 ൽ നഗരസഭയിലെ വോട്ടെണ്ണി കഴിഞ്ഞപ്പോൾ 34143 വോട്ട് നേടായിരുന്നു. 2024 ലോക്സഭയിൽ 29355 വോട്ടും കിട്ടിയിരുന്നു. എന്നാൽ ഇക്കുറി 27077 വോട്ട് മാത്രമാണ് നേടാനായത്. 7066 വോട്ട് 2021 നെ അപേക്ഷിച്ച് കുറഞ്ഞു.മണ്ഡലത്തിൽ വോട്ടെണ്ണൽ പുരോഗമിക്കുകയാണ്. പാലക്കാട് പിരായിരി പഞ്ചായത്തിൽ വോട്ടെണ്ണിയപ്പോൾ ലീഡ് കുത്തനെ ഉയർത്തിയിരിക്കുകയാണ് രാഹുൽ മാങ്കൂട്ടത്തിൽ. 5063 വോട്ടിൻ്റെ ലീഡാണ് എട്ടാം റൗണ്ട് വോട്ടെണ്ണൽ കഴിഞ്ഞപ്പോൾ യുഡിഎഫ് സ്ഥാനാർത്ഥിക്കുള്ളത്. എട്ടാം റൗണ്ട് പിന്നിടുമ്പോൾ ബിജെപി സ്ഥാനാർത്ഥിക്ക് 28623, എൽഡിഎഫിന് 18172, യുഡിഎഫിന് 28398 വോട്ടുമാണ് ഉള്ളത്.
