അമ്പലപ്പുഴയില്‍ ദൃശ്യം മോഡല്‍ കൊലപാതകം; വിജയലക്ഷ്മിയുടെ മൃതദേഹം കണ്ടെത്തി, പ്രതി പിടിയില്‍

കരുനാഗപ്പള്ളി: അമ്പലപ്പുഴ കരൂരില്‍ കുഴിച്ചുമൂടിയ കരുനാഗപ്പള്ളി സ്വദേശി വിജയലക്ഷ്മിയുടെ (48)  മൃതദേഹം കണ്ടെത്തി. പോലീസിന്റെ സാന്നിധ്യത്തില്‍ കുഴിയെടുത്ത് നടത്തിയ പരിശോധനയിലാണ് മൃതദേഹം കണ്ടെത്തിയത്. വിജയലക്ഷ്മിയെ കാണാതായതുമായി ബന്ധപ്പെട്ട കേസില്‍ അമ്പലപ്പുഴ കരൂര്‍ പുതുവല്‍ സ്വദേശി ജയചന്ദ്രനെ (50) കരുനാഗപ്പള്ളി പോലീസ് അറസ്റ്റ് ചെയ്തിരുന്നു. ഇയാളെ ചോദ്യം ചെയ്തതിലാണ് വിജയലക്ഷ്മിയെ കൊന്ന് വീടിന് സമീപത്തെ പറമ്പില്‍ കുഴിച്ചുമൂടിയതായി പോലീസിന് വിവരം നല്‍കിയത്.
തുടര്‍ന്ന് ജയചന്ദ്രനെയും കൊണ്ട് കരുനാഗപ്പള്ളി പോലീസ് അമ്പലപ്പുഴ കരൂരിലെ വീടിനു സമീപം നടത്തിയ പരിശോധനയിലാണ് മൃതദേഹം കണ്ടെടുത്തത്. ജയചന്ദ്രന്റെ വീടിന് സമീപത്ത് കുഴിച്ചിട്ട നിലയിലായിരുന്നു മൃതദേഹം. കൊല്ലപ്പെട്ട വിജയലക്ഷ്മിയുടെ സുഹൃത്താണ് ജയചന്ദ്രന്‍. കൊലപാതകത്തിന് ശേഷം വിജയലക്ഷ്മിയുടെ ഫോണ്‍ ജയചന്ദ്രന്‍ ബസില്‍ ഉപേക്ഷിച്ചതാണ് പോലീസിന് സംശയത്തിന് ഇടയാക്കിയത്.
മൊബൈല്‍ ഫോണ്‍ സ്വിച്ച് ഓഫായ നിലയില്‍ കെഎസ്ആര്‍ടിസി ബസില്‍ നിന്നു കണ്ടെത്തിയിരുന്നു. ബസിലെ കണ്ടക്ടറാണ് മൊബൈല്‍ ഫോണ്‍ പോലീസ് സ്റ്റേഷനില്‍ ഏല്‍പിച്ചത്. എറണാകുളം സെന്‍ട്രല്‍ പോലീസ് നടത്തിയ അന്വേഷണത്തില്‍ ഇത് വിജയലക്ഷ്മിയുടെ ഫോണാണെന്ന് കണ്ടെത്തി. വിവരം കരുനാഗപ്പള്ളി പോലീസിന് കൈമാറുകയായിരുന്നു. തുടര്‍ന്നാണ് മിസ്സിംഗ് കേസില്‍ വഴിത്തിരിവുണ്ടാകുന്നത്. ടവര്‍ ലൊക്കേഷന്‍, കോള്‍ ലിസ്റ്റ് എന്നിവ പരിശോധിച്ചതില്‍ നിന്നാണ് പ്രതി ജയചന്ദ്രനിലേക്ക് എത്തിയത്.
വിജയലക്ഷ്മിയുടെ ഫോണ്‍ എറണാകുളത്ത് ബസ് സ്റ്റാന്റില്‍ വെച്ചാണ് സ്വിച്ചോഫായത്. ഇക്കാര്യം അടിസ്ഥാനപ്പെടുത്തിയാണ് അന്വേഷണം പുരോഗമിച്ചത്. ഇതിലേക്ക് വന്ന കോളുകളും പോലീസ് പരിശോധിച്ചു. മാത്രമല്ല, ജയചന്ദ്രന്റെയും വിജയലക്ഷ്മിയുടെയും ഫോണ്‍ ലൊക്കേഷനുകള്‍ ഒരേയിടത്തും വന്നിരുന്നു. കസ്റ്റഡിയിലെടുത്ത ജയചന്ദ്രനില്‍ നിന്ന് ലഭിച്ച പരസ്പര വിരുദ്ധ മറുപടികളും സംശയത്തിന് ബലമേകി.

ന​വം​ബ​ർ ആ​റി​നാ​ണ് വി​ജ​യ​ല​ക്ഷ്മി​യെ കാ​ണാ​താ​യ​ത്.  യു​വ​തി​യെ കൊ​ന്ന് അ​ന്പ​ല​പ്പു​ഴ ക​രൂ​രി​ല്‍ നി​ര്‍​മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​നു താ​ഴെ കു​ഴി​ച്ചി​ട്ട് കോ​ൺ​ക്രീ​റ്റ് ചെ​യ്തെ​ന്നാ​യി​രു​ന്നു പി​ടി​യി​ലാ​യ ജ​യ​ച​ന്ദ്ര​ൻ മൊഴിനൽകിയത്.
പ്ല​യ​ര്‍ കൊ​ണ്ട് ത​ല​യ്ക്ക​ടി​ച്ചാ​ണ് വി​ജ​യ​ല​ക്ഷ്മി​യെ കൊ​ല​പ്പെ​ടു​ത്തി​യ​ത്. മ​റ്റൊ​രാ​ളു​മാ​യി വിജ​യ​ല​ക്ഷ്മി​ക്ക് ബ​ന്ധ​മു​ണ്ടെ​ന്ന് സം​ശ​യ​മാ​ണ് കൊ​ല​പ്പെ​ടു​ത്താ​ൻ കാ​ര​ണ​മെ​ന്നും ജ​യ​ച​ന്ദ്ര​ന്‍റെ മൊ​ഴി​യി​ലു​ണ്ട്. ജ​യ​ച​ന്ദ്ര​ന്‍റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് ക​രൂ​രി​ൽ പോ​ലീ​സ് പ​രി​ശോ​ധ​ന നടത്തിയതും മൃതദേഹം കണ്ടെത്തിയതും.