മുക്കാളി: സിഎസ്‌ഐ ക്രിസ്ത്യന്‍ മുള്ളര്‍ വിമന്‍സ് കോളജില്‍ എംകോം ഫിനാന്‍സ് കോഴ്‌സ് തുടങ്ങി. ഇതിന്റെ ഉദ്ഘാടനം ഇരിങ്ങല്‍ സര്‍ഗാലയ ക്രാഫ്റ്റ് വില്ലേജ് ജനറല്‍ മാനേജര്‍ ടി.കെ.രാജേഷ് നിര്‍വഹിച്ചു. മടപ്പള്ളി കോളജ് മുന്‍ അസോസിയേറ്റ് പ്രൊഫസര്‍ കെ.കെ.മുരളീധരന്‍ കോമേഴ്സ് വിദ്യാഭ്യാസത്തിന്റെ പ്രസക്തിയെ പറ്റി സംസാരിച്ചു.
ഡോ കെ.കെ.അശോകന്‍ അധ്യക്ഷത വഹിച്ച ചടങ്ങില്‍ ചൊക്‌ളി രാമവിലാസം
ഹയര്‍സെക്കന്ററി സ്‌കൂളിലെ അസോസിയേറ്റ് എന്‍സിസി ഓഫീസര്‍ ടി.പി.റാവിത്ത്, മടപ്പളളി ഹയര്‍ സെക്കന്ററി സ്‌കൂളിലെ ആര്‍.എം.ജലീന, കോളജ് യൂണിയന്‍ ചെയര്‍മാന്‍ ടി.വി.സന എന്നിവര് ആശംസകള്‍ നേര്‍ന്നു. കോമേഴ്സ് വിഭാഗം മേധാവി പ്രസ്മിത സ്വാഗതവും ഗൗരിമേനോന്‍ നന്ദിയും പറഞ്ഞു.
