വടകര: വെള്ളികുളങ്ങര എല്‍പി സ്‌കൂള്‍ ശതാബ്ദി ആഘോഷ പ്രചരണത്തിന്റെ ഭാഗമായി വെള്ളികുളങ്ങര അങ്ങാടിയില്‍ 
പ്രശസ്ത ചിത്രകാരന്മാരുടെ വക തെരുവോര ചിത്രരചനയും ബോര്‍ഡ് എഴുത്തും നടന്നു. ചിത്രകാരി ജോളി എം സുധന്‍ ഉദ്ഘാടനം നിര്‍വ്വഹിച്ചു.
പ്രോഗ്രാം കമ്മിറ്റി ചെയര്‍മാന്‍ കെ.അശോകന്‍ അധ്യക്ഷത വഹിച്ച പരിപാടിയില്‍ എം.ജയപ്രകാശ്, കെ.ബാലകൃഷ്ണ കുറുപ്പ്, പി.പി.രാജന്‍, വി.പി. സുരേന്ദ്രന്‍, രാജീവന്‍ പത്മാലയം, സുനില്‍ കുമാര്‍ കക്കാട്ട്, കെ.പ്രബീഷ് എന്നിവര്‍ സംസാരിച്ചു.
ജോളി എം.സുധന്‍, ബേബി രാജ്, പ്രഭകുമാര്‍ ഒഞ്ചിയം,പ്രമോദ് മുക്കാട്ട്,ആഷിന്‍ മുന്നു, പ്രമോദ് വരം, യൂസഫ് വെള്ളികുളങ്ങര, 
അഭ്യുത പ്രമോദ് എന്നിവര്‍ ചിത്രരചനയില്‍ പങ്കാളികളായി. പരിപാടി നിരവധി പേരെ ആകര്‍ഷിച്ചു.
