വടകര: സിപിഎം 24-ാം പാര്‍ടി കോണ്‍ഗ്രസിന്റെ ഭാഗമായ ജില്ലാ സമ്മേളനം ജനുവരി 29, 30, 31 തിയതികളില്‍ വടകരയില്‍ 
നടക്കും. സമ്മേളനത്തിന്റെ സ്വാഗത സംഘം ഓഫീസ് 17ന് ഞായര്‍ വൈകിട്ട് അഞ്ചിന് കേളുഏട്ടന്‍ പി.പി.ശങ്കരന്‍ സ്മാരകത്തില്‍ കെ.പി.കുഞ്ഞമ്മദ് കുട്ടി എംഎല്‍എ ഉദ്ഘാടനം ചെയ്യും. സമ്മേളന ഭാഗമായി ഒരു മാസം നീണ്ടു നില്‍ക്കുന്ന വൈവിധ്യമാര്‍ന്ന പരിപാടികള്‍ സ്വാഗത സംഘം നേതൃത്വത്തില്‍ നടക്കും. ജില്ലാ സമ്മേളനത്തില്‍ ജില്ലയിലെ ഏരിയ സമ്മേളനം തെരഞ്ഞെടുക്കുന്ന 500 ല്‍ അധികം പ്രതിനിധികള്‍ പങ്കെടുക്കും. സമ്മേളനത്തിന് സമാപനം കുറിച്ച് 31ന് വടകര നാരായണ നഗറില്‍ ജില്ലയിലെ 16 ഏരിയയില്‍ നിന്നുള്ള റെഡ് വളണ്ടിയര്‍ മാര്‍ച്ചും ബഹുജന റാലിയും ഉണ്ടാവും.
