പേരാമ്പ്ര: പേരാമ്പ്ര ബൈപ്പാസില്‍ കാര്‍ നിയന്ത്രണം വിട്ട് താഴ്ചയിലേക്ക് മറിഞ്ഞ് അഞ്ചു പേര്‍ക്ക് പരിക്കേറ്റു. കടമേരി 
സ്വദേശികളായ റജ്ന (35), ഇവാന്‍ അബ്ദുള്ള (2), റസീന (40), അഫ്‌സല്‍ (36), ജമാല്‍ (48) എന്നിവര്‍ക്കാണ് പരിക്ക്. ഇവരെ പേരാമ്പ്ര ഇഎംഎസ് ആശുപത്രിയില്‍ പ്രവേശിപ്പിച്ചു.
അശ്വിനി ആയുര്‍വേദ ഹോസ്പിറ്റലിന് സമീപം മുറിച്ചാണ്ടിതാഴെ റോഡില്‍ നിന്നു നിയന്ത്രണം വിട്ട കാര്‍ സമീപത്തെ പറമ്പിലേക്ക് മറിയുകയായിരുന്നു. ഇന്നു രാവിലെയാണ് സംഭവം. കോഴിക്കോട് എയര്‍പോര്‍ട്ടില്‍ നിന്നു നാട്ടിലേക്ക് മടങ്ങുമ്പോഴാണ് അപകടത്തില്‍പെട്ടത്. ഓടിയെത്തിയ നാട്ടുകാര്‍ രക്ഷാപ്രവര്‍ത്തനം നടത്തി.
