വടകര: എറണാകുളത്തു നടന്ന സംസ്ഥാന സ്‌കൂള്‍ ഒളിമ്പിക്‌സില്‍ (കായികമേള) 68 കിലോഗ്രാമില്‍ താഴെയുള്ള 
ആണ്‍കുട്ടികളുടെ സീനിയര്‍ കരാട്ടെ മത്സരത്തില്‍ സ്വര്‍ണത്തിളക്കവുമായി മുഹമ്മദ് നഹദ്. മേമുണ്ട ഹയര്‍സെക്കന്ററി സ്‌കൂള്‍ പ്ലസ്ടു കംപ്യൂട്ടര്‍ സയന്‍സ് വിദ്യാര്‍ഥിയായ ഈ മിടുക്കന്‍ വില്യാപ്പള്ളിയില്‍ പ്രവര്‍ത്തിക്കുന്ന മബുനി ഷിട്ടോ റിയൂ കരാട്ടെ ദോ ഇന്റര്‍നാഷണല്‍ സ്‌കൂളിലെ മുഖ്യ പരിശീലകന്‍ ഷിഹാന്‍ സി.കെ. ഉമേഷിന്റെ കീഴിലാണ് കരാട്ടെ അഭ്യസിക്കുന്നത്. ഒഞ്ചിയത്തെ കുന്നുമ്മല്‍ നസീറിന്റെയും ഹഫ്‌സത്തിന്റെയും മകനാണ് ഈ മിടുക്കന്‍. അടുത്ത മാസം നടക്കുന്ന ദേശീയ സ്‌കൂള്‍ കരാട്ടെ ചാമ്പ്യന്‍ഷിപ്പില്‍ കേരളത്തെ പ്രതിനിധീകരിച്ചു പങ്കെടുത്ത് മിന്നും പ്രകടനം കാഴ്ചവെക്കാനുള്ള ഒരുക്കത്തിലാണ് മുഹമ്മദ് നഹദ്.
