ചൊക്ലി: ബൈക്കപകടത്തില്‍ തലക്ക് ഗുരുതര പരിക്കേറ്റ് കണ്ണൂരിലെ സ്വകാര്യ ആശുപത്രിയില്‍ ചികിത്സയിലായിരുന്ന പ്ലസ് ടു 
വിദ്യാര്‍ഥി മരിച്ചു. കോടിയേരി പാറാല്‍ വായനശാലക്ക് സമീപത്തെ അല്‍ ദാറില്‍ പി.പി.ഹയാന്‍ ഫാദിലാണ് (17) മരിച്ചത്.
ശനിയാഴ്ച രാത്രി നിട്ടൂര്‍ ബാലത്തില്‍ സര്‍വ്വിസ് റോഡിലായിരുന്നു അപകടം. ഫയാന്‍ ഫാദിലും സുഹൃത്തും സഞ്ചരിച്ച ബൈക്ക് റോഡിലെ ടാറിടാത്ത ഭാഗത്ത് നിയന്ത്രണം വിട്ടു മറിയുകയായിരുന്നു. ഇന്നലെ ഉച്ചയോടെ മരിച്ചു. ഒപ്പമുണ്ടായിരുന്ന സുഹൃത്ത് അമന്‍ ലത്തീഫ് നിസ്സാര പരിക്കുകളോടെ രക്ഷപ്പെട്ടു. തലശ്ശേരി മുബാറക്ക് ഹയര്‍ സെക്കന്ററി സ്‌ക്കൂള്‍ വിദ്യാര്‍ഥിയാണ് ഫയാന്‍ ഫാദില്‍. ദുബൈയില്‍ ജോലിയുള്ള ധര്‍മടം ഒഴയില്‍ ഭാഗത്തെ നവാസിന്റെയും പാറാല്‍ പൊന്നമ്പത്ത് പുളിക്കൂല്‍ സബിദയുടെയും മകനാണ്. സഹോദരങ്ങള്‍: ഹാനി ലിയാന്‍, ഹാമില്‍ ഹിഫാസ്.
