കൊയിലാണ്ടി: മോഷ്ടിച്ച ബൈക്കുമായി പോവുകയായിരുന്ന 19 കാരനെ കൊയിലാണ്ടി പോലീസ് പിടികൂടി. താനൂര്‍ റെയില്‍വെ 
സ്റ്റേഷനില്‍ നിന്നു മോഷ്ടിച്ച ബൈക്കുമായി പോകവെയാണ് മിഹാല്‍ എന്ന 19കാരന്‍ കൊയിലാണ്ടി പോലീസിന്റെ പിടിയിലായത്. ഞായറാഴ്ച പുലര്‍ച്ചെ നാലു മണിയോടെ കൊയിലാണ്ടിയില്‍ പട്രോളിംഗ് നടത്തുകയായിരുന്ന സിഐ ശ്രീലാല്‍ ചന്ദ്രശേഖരന്റെ നേതൃത്വത്തിലുള്ള പോലീസാണ് പിടികൂടിയത്. നിരവധി കേസുകളില്‍ പ്രതിയാണ് നിഹാല്‍. ഇപ്പോള്‍ പയ്യോളി ഭജനമഠത്തിനടുത്താണ് താമസം. എസ്‌ഐ മണി, എസ്‌സിപിഒ ഗംഗേഷ് തുടങ്ങിയവരടങ്ങിയ സംഘമാണ് പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
