വടകര: ദേശീയപാത തിക്കോടി മുതല്‍ അയനിക്കാട് വരെ സര്‍വീസ് റോഡ് പ്രവൃത്തി നടക്കുന്നതിനാല്‍ നാളെ (ഞായര്‍) പുലര്‍ച്ചെ നാല് മുതല്‍ പകല്‍ ഒന്നു വരെ ദേശീയപാതയില്‍ ഗതാഗത നിയന്ത്രണം ഏര്‍പ്പെടുത്തി. കോഴിക്കോട് നിന്നും കണ്ണൂര്‍ ഭാഗത്തേക്ക് പോകുന്ന ബസുകള്‍ ഒഴികെ മറ്റ് വലിയ വാഹനങ്ങള്‍ പൂളാടിക്കുന്ന്, അത്തോളി, ഉള്ള്യേരി, പേരാമ്പ്ര, കുറ്റ്യാടി, നാദാപുരം, 
പെരിങ്ങത്തൂര്‍ വഴി കണ്ണൂര്‍ ഭാഗത്തേക്ക് പോവണം. ബസുകള്‍ നന്തി, പള്ളിക്കര, കീഴൂര്‍, തുറശേരിമുക്ക് വഴി വടകര ഭാഗത്തേക്കും പോവണം. കണ്ണൂരില്‍ നിന്നു കോഴിക്കോട് ഭാഗത്തേക്ക് നിയന്ത്രണമില്ലെന്ന് അധികൃതര്‍ അറിയിച്ചു.
