മുക്കാളി: കേരള സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റിയും ജില്ലാ ആരോഗ്യ വകുപ്പും ചേര്‍ന്ന് നടത്തുന്ന മാജിക് കലാജാഥക്ക് 
ചോമ്പാല ക്രിസ്ത്യന്‍ വിമന്‍സ് കോളജില്‍ സ്വീകരണം നല്‍കി. റെഡ് റിബണ്‍ ക്ലബ്ബ്, എന്‍എസ്എസ് എന്നിവയുടെ നേതൃത്വത്തില്‍ നടന്ന സ്വീകരണത്തില്‍ നിരവധി പേര്‍ സംബന്ധിച്ചു.
എന്താണ് എയ്ഡ്‌സ്, അത് പ്രചരിക്കുന്ന വഴികള്‍, രോഗം ബാധിച്ചവരെ സമൂഹം ചേര്‍ത്ത് നിര്‍ത്തേണ്ട ആവശ്യകത എന്നിവ 
മാജിക്കിലൂടെ ലളിതമായി അവതരിപ്പിച്ച മജീഷ്യന്‍ രാജീവ് മേമുണ്ട കൈയടി നേടി.
പരിപാടി പ്രിന്‍സിപ്പള്‍ പി.ശശികുമാര്‍ ഉദ്ഘാടനം ചെയ്തു. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ പ്രദീപ്, റെഡ് റിബണ്‍ ക്ലബ്ബ് കോഓര്‍ഡിനേറ്റര്‍ അഫ്‌സന. ടി, എന്‍എസ്എസ് പ്രോഗ്രാം ഓഫീസര്‍ അര്‍ച്ചന രാജന്‍ എന്നിവര്‍ സംസാരിച്ചു. സ്റ്റാഫ് കൗണ്‍സില്‍ സെക്രട്ടറി ഷീല.എസ്, വളണ്ടിയര്‍മാരായ ആര്യ, തേജ രാജീവ് എന്നിവര്‍ നേതൃത്വം നല്‍കി.
