വടകര: ഡിസംബര്‍ 27,28,29 തിയ്യതികളില്‍ തൃശൂരില്‍ നടക്കുന്ന എസ്‌വൈഎസ് പ്ലാറ്റിനം ജൂബിലി സമ്മേളനത്തിന്റെ 
പ്രചാരണാര്‍ഥം കോഴിക്കോട് ജില്ലാ കമ്മറ്റി നടത്തുന്ന പ്ലാറ്റിനം സഫറിന് (യാത്ര) വടകര മേഖലയില്‍ സ്വീകരണം നല്‍കി. മൂന്ന് കേന്ദ്രങ്ങളില്‍ നടന്ന സ്വീകരണത്തില്‍ നിരവധി പേര്‍ പങ്കാളികളായി.
രാവിലെ 10 ന് ഓര്‍ക്കാട്ടേരിയിലും ഉച്ചക്ക് 2.30 ന് വടകര കോട്ടപ്പറമ്പിലും വൈകുന്നേരം അഞ്ചിന് ആയഞ്ചേരിയിലും സ്വീകരണപരിപാടി സംഘടിപ്പിച്ചു. ജില്ലാ ഫിനാന്‍സ് സെക്രട്ടറി കബീര്‍ എളേറ്റില്‍ നയിച്ച യാത്രയില്‍ ജില്ലാ സെക്രട്ടറി മുഹമ്മദലി കിനാലൂര്‍ പ്രമേയ പ്രഭാഷണം നടത്തി. സ്വീകരണ കേന്ദ്രങ്ങളില്‍ ലഹരി വിരുദ്ധ പ്രതിജ്ഞ നടത്തി. മുനീര്‍ സഅദി പൂലോട്, 
അബ്ദുല്‍ കരീം നിസാമി, റഷീദ് മുസ്ല്യാര്‍ ആയഞ്ചേരി, യൂസുഫ് സഖാഫി, അബ്ദുല്‍ കരീം ഹാജി, അബൂബക്കര്‍ ഹാജി വി.പി.കെ., അബ്ദുറഹ്‌മാന്‍ സഖാഫി ആയഞ്ചേരി, ശബ്നസ് കുരിക്കിലാട് തുടങ്ങിയവര്‍ വിവിധ സ്വീകരണ കേന്ദ്രങ്ങളില്‍ സംസാരിച്ചു.
