പുറമേരി: ടൗണിലെ തെരുവ് നായ ശല്യം സ്‌കൂള്‍ കലോത്സവത്തിന് ഭീഷണിയായേക്കുമെന്ന ആശങ്ക ശക്തം. പുറമേരി 
കെആര്‍എച്ച്എസ്എസിലാണ് ശനിയാഴ്ച മുതല്‍ കലോത്സവം നടക്കുന്നത്. പുറമേരി ടൗണില്‍ തന്നെയാണ് കലോത്സവം നടക്കുന്ന സ്‌കൂളും ഗ്രൗണ്ടും. റോഡും പരിസരവും തെരുവ് നായകളുടെ പിടിയിലാണ്. വെള്ളിയാഴ്ച ഘോഷയാത്രക്കെത്തിയ വിദ്യാര്‍ഥികള്‍ക്ക് നേരെ നായകള്‍ കുരച്ച് ചാടിയപ്പോള്‍ ഭാഗ്യത്തിനാണ് രക്ഷപ്പെട്ടത്. കുട്ടികള്‍ ഓടിമാറുകയായിരുന്നു.
കൂട്ടമായാണ് നായകള്‍ തമ്പടിച്ചിട്ടുള്ളത്. നിരവധി സ്‌കൂളുകളില്‍ നിന്നായി നൂറ് കണക്കിന് വിദ്യാര്‍ഥികള്‍ അടുത്ത 
ദിവസങ്ങളിലായി പുറമേരിയിലെത്തും. ഇവര്‍ക്ക് നായകള്‍ ഭീഷണി ഉയര്‍ത്തുമെന്ന കാര്യത്തില്‍ ആശങ്ക ഉയര്‍ന്നിരിക്കുകയാണ്.
