വടകര: എസ്‌വൈഎസ് പ്ലാറ്റിനം ജൂബിലി സമ്മേളന പ്രചാരണാർഥം കോഴിക്കോട് ജില്ലാ കമ്മറ്റി നടത്തുന്ന പ്ലാറ്റിനം സഫറിന് (യാത്ര) വടകര സോണിൽ മൂന്ന് കേന്ദ്രങ്ങളിൽ സ്വീകരണം നൽകും . നവംബർ 9 ശനി രാവിലെ 10 മണിക്ക് ഓർക്കാട്ടേരിയിൽ നടക്കുന്ന സ്വീകരണ പരിപാടി കേരള മുസ്ലിം ജമാഅത് ജില്ലാ പ്രസിഡന്റ് അബ്ദുൽ റഷീദ് മുസ്ല്യാർ
ആയഞ്ചേരി ഉദ്ഘാടനം ചെയ്യും. ഉച്ചക്ക് 2.30 ന് വടകര കോട്ടപ്പറമ്പിൽ സ്വീകരണം നൽകുന്ന യാത്ര വൈകിട്ട് 5 മണിക്ക് ആയഞ്ചേരിയിൽ സമാപിക്കും. ജില്ലാ ഫിനാൻസ് സെക്രടറി കബീർ എളേറ്റിൽ, മുനീർ സഅദി പൂലോട്, അബ്ദുൽ കരീം നിസാമി എന്നിവർ നയിക്കുന്ന യാത്രയിൽ ജില്ലാ സെക്രട്ടറി മുഹമ്മദലി കിനാലൂർ മുഖ്യ പ്രഭാഷണം നടത്തും.
