വടകര: നവംബര്‍ 15 നു പേരാമ്പ്രയില്‍ നടക്കുന്ന തപാല്‍ സാംസ്‌കാരികോത്സവത്തിന്റെ ലോഗോ പ്രമുഖ സാഹിത്യകാരന്‍ 
എം.മുകുന്ദന്‍ പ്രകാശനം ചെയ്തു. ദേശീയ തപാല്‍ പ്രസ്ഥാനത്തിന്റെ ജീവസ്സുറ്റ വര്‍ഷങ്ങള്‍ പ്രകാശിപ്പിക്കുന്ന ലോഗോ തപാല്‍ ജീവനക്കാരുടെ സാംസ്‌കാരിക ഇടപെടലുകള്‍ കൂടി അടയാളപ്പെടുത്തുന്നു. നവംബര്‍ 15ന് പേരാമ്പ്ര പൊന്‍പറ ഹില്‍സില്‍ ആണ് ഫെസ്റ്റ് നടക്കുന്നത്. ജീവനക്കാരുടെയും കുടുംബാഗങ്ങളുടെയും കലാസാഹിത്യ മത്സരങ്ങളും സാംസ്‌കാരിക സംവാദങ്ങളും ഫെസ്റ്റില്‍ ഉള്‍പ്പെടുത്തിയിട്ടുണ്ട്. ഫെസ്റ്റിന് അനുബന്ധമായി നവംബര്‍ 7 മുതല്‍ 11 വരെ നടക്കുന്ന സര്‍ഗോത്സവത്തില്‍ ജൂനിയര്‍, സീനിയര്‍ വിഭാഗങ്ങളിലായി സാഹിത്യ, ചിത്ര രചന മത്സരം നടക്കും.
ലോഗോ പ്രകാശന ചടങ്ങില്‍ വി.അബ്ദുല്‍ കരീം, കെ ഉണ്ണികൃഷ്ണന്‍, പ്രദീപ് കുമാര്‍ പള്ളൂര്‍, വിലാസിനി വി കെ, ദിപിന്‍ സി ആര്‍, 
പ്രബീഷ് കെ കെ, കുഞ്ഞി മുഹമ്മദ് എന്നിവര്‍ സംബന്ധിച്ചു.
