നാദാപുരം: വാണിമേല്‍ പുതുക്കയം നീളംപറമ്പത്ത് കോരന്റെ 39-ാമത് രക്തസാക്ഷിത്വ വാര്‍ഷിക ദിനം സിപിഎം 
നേതൃത്വത്തില്‍ ആചരിച്ചു. ബ്രാഞ്ചുകളില്‍ പ്രഭാതഭേരി, പതാക ഉയര്‍ത്തല്‍, രക്തസാക്ഷി കുടീരത്തില്‍ പുഷ്പാര്‍ച്ചന, പ്രകടനം, റെഡ് വളണ്ടിയര്‍ മാര്‍ച്ച്, രക്തസാക്ഷി അനുസ്മരണം എന്നിവ സംഘടിപ്പിച്ചു.
പൊതുസമ്മേളനം ജില്ലാ സെക്രട്ടറി പി.മോഹനന്‍ ഉദ്ഘാടനം ചെയ്തു. എന്‍.പി.വാസു അധ്യക്ഷനായി. ഏരിയ സെക്രട്ടറി പി.പി.ചാത്തു, ജില്ലാ കമ്മിറ്റി അംഗങ്ങളായ വി.പി.കുഞ്ഞികൃഷ്ണന്‍, എ.എം.റഷീദ്, ഏരിയാ കമ്മിറ്റി അംഗങ്ങളായ എ.മോഹന്‍ദാസ്, ടി.പ്രദീപ്കുമാര്‍, കെ.കെ.ദിനേശന്‍, കെ.എന്‍.നാണു, എം.കെ.ബാലന്‍ എന്നിവര്‍ സംസാരിച്ചു. ടി.പി.അനീഷ് സ്വാഗതം പറഞ്ഞു.
