തൊട്ടില്‍പാലം: പൂതംപാറ, മുളവട്ടത്തെ ഇറക്കത്തില്‍ നിയന്ത്രണംവിട്ട പിക്കപ്പ് വാന്‍ പരപ്പുപാലത്തിന് സമീപം റോഡരികിലെ 
മരത്തില്‍ ഇടിച്ച് താഴ്ചയിലേക്ക് മറിഞ്ഞ് മൂന്ന് പേര്‍ക്കു പരിക്കുപറ്റി. വാഹനം ഓടിച്ച കോഴിക്കോട് എലത്തൂര്‍ സ്വദേശിയായ യുവാവിനും വാഹനത്തില്‍ ഉണ്ടായിരുന്ന ഉത്തര്‍പ്രദേശില്‍ നിന്നുള്ള അതിഥി തൊഴിലാളികളായ മൂന്ന് പേര്‍ക്കുമാണ് പരിക്കേറ്റത്. ആരുടെയും പരിക്ക് ഗുരുതരമല്ല.
വയനാട് പടിഞ്ഞാറത്തറയില്‍ നിന്ന് ജോലി കഴിഞ്ഞ് കോഴിക്കോട്ടേക്ക് പോകുകയായിരുന്ന വെല്‍ഡിങ്ങ് തൊഴിലാളികളാണ് അപകടത്തില്‍പ്പെട്ടത്.
പരിക്കേറ്റവരെ തൊട്ടില്‍പാലത്തെ സ്വകാര്യ ആശുപത്രിയില്‍ പ്രാഥമിക ചികിത്സ തേടി.
വാഹനങ്ങള്‍ ബ്രേക്ക് ഡൗണ്‍ ആയി സ്ഥിരം അപകടം ഉണ്ടാകുന്ന മേഖലയാണ് മുളവട്ടം. ഇവിടെ പറമ്പിലേക്ക് മറിയുന്ന 
ആറാമത്തെ വാഹനമാണ് ഇതെന്ന് നാട്ടുകാര്‍ പറഞ്ഞു.
