ആയഞ്ചേരി: ആയഞ്ചേരി പഞ്ചായത്ത് സ്‌കൂള്‍ കലോത്സവത്തില്‍ പൊന്മേരി എല്‍പിയും കടമേരി എംയുപിയും ഓവറോള്‍ 
ചാമ്പ്യന്മാര്‍. പൊന്മേരി എല്‍പി ജനറല്‍ വിഭാഗത്തിലും കടമേരി എംയുപി അറബിക് സാഹിത്യോത്സവത്തിലുമാണ് ഓവറോള്‍ കിരീടം ചൂടിയത്.
ജനറല്‍ വിഭാഗത്തില്‍ കടമേരി എംയുപിക്കാണ് രണ്ടാം സ്ഥാനം. പറമ്പില്‍ എല്‍പി മൂന്നാം സ്ഥാനം കരസ്ഥമാക്കി. അറബിക് കലോത്സവത്തില്‍ ആയഞ്ചേരി റഹ്‌മാനിയ എച്ച്എസ്എസ്, പറമ്പില്‍ ഗവ.യുപി എന്നിവ യഥാക്രമം രണ്ടും മൂന്നും സ്ഥാനം കരസ്ഥമാക്കി. രണ്ടു ദിവസങ്ങളിലായി ചീക്കിലോട് യുപി സ്‌കൂളില്‍ നടന്ന കലോത്സവത്തില്‍ വിജയികള്‍ക്കുള്ള ട്രോഫികള്‍ പഞ്ചായത്ത് മെംബര്‍ ടി.കെ.ഹാരിസ് സമ്മാനിച്ചു. പിഇസി കണ്‍വീനര്‍ നാസര്‍ ആക്കായി, ഹെഡ്മാസ്റ്റര്‍ സി.എച്ച്.മൊയ്തു, പ്രോഗ്രാം കണ്‍വീനര്‍ സി.സി.കുഞ്ഞബ്ദുല്ല തുടങ്ങിയവര്‍ ചടങ്ങില്‍ സംബന്ധിച്ചു.
