ബംഗളുരു: ബംഗളൂരു ബിടിഎമ്മില്‍ കാറും ബൈക്കും കൂട്ടിയിടിച്ചുണ്ടായ അപകടത്തില്‍ വടകര സ്വദേശിയായ ബൈക്ക് 
യാത്രികന്‍ മരിച്ചു. വടകര കൊയിലാണ്ടിവളപ്പ് മാടപ്പുല്ലന്റവിട എംവി സിദ്ധീഖിന്റെ മകന്‍ നിയാസ് മുഹമ്മദ് (26) ആണ് മരിച്ചത്. സഹയാത്രികനായ സുഹൃത്ത് മാഹി സ്വദേശി ഷുഹൈബിനെ (23) കോഴിക്കോട് മെഡിക്കല്‍ കോളജ് ആശുപത്രിയിലേക്ക് എഐകെഎംസിസി ആംബുലന്‍സില്‍ കൊണ്ടുപോയി. ഇരുവരും ബംഗളൂരുവിലെ ഒരു സ്വകാര്യ സ്ഥാപനത്തില്‍ സൈബര്‍ സെക്യൂരിറ്റി വിദ്യാര്‍ഥികളാണ്. വ്യാഴാഴ്ച അര്‍ധ രാത്രിയാണ് അപകടം. നിയാസ് മുഹമ്മദിന്റെ മൃതദേഹം വിക്ടോറിയ ആശുപത്രിയില്‍ പോസ്റ്റ്‌മോര്‍ട്ടം ചെയ്ത ശേഷം ശിഹാബ് തങ്ങള്‍ സെന്ററില്‍ കെഎംസിസി പ്രവര്‍ത്തകരുടെ സഹായത്തോടെ അന്ത്യകര്‍മങ്ങള്‍ ചെയ്ത് നാട്ടിലേക്ക് കൊണ്ടുപോയി. മാതാവ്:സഫീറ. സഹോദരങ്ങള്‍: സിജാദ്, നഫ്‌സല്‍. ഖബറടക്കം വടകര 
ജുമാഅത്ത് പള്ളി ഖബര്‍സ്ഥാനില്‍.
