കീഴല്‍: വില്യാപ്പള്ളി പഞ്ചായത്ത് കലോത്സവത്തില്‍ കീഴല്‍ യുപി സ്‌കൂളിന് ഇരട്ട കിരീടം. ജനറല്‍ വിഭാഗത്തില്‍ 57 പോയന്റും 
അറബിക് വിഭാഗത്തില്‍ 45 പോയന്റുമായാണ് കീഴല്‍ യുപി ഒന്നാമതെത്തിയത്.
ജനറല്‍ വിഭാഗത്തില്‍ രണ്ടാം സ്ഥാനം വില്ലാപ്പള്ളി യുപിയും (54) മൂന്നാം സ്ഥാനം കീഴല്‍ ദേവി വിലാസം യുപിയും (53) കരസ്ഥമാക്കി.
അറബിക് വിഭാഗത്തില്‍ രണ്ടാം സ്ഥാനം 43 പോയന്റുമായി ചിറവട്ടം എല്‍പിയും മൂന്നാം സ്ഥാനം 41 പോയന്റുമായി വില്യാപ്പള്ളി വെസ്റ്റ് എല്‍പിയും കീഴല്‍ ദേവി വിലാസം സ്‌കൂളും സ്വന്തമാക്കി.
അനുമോദന ചടങ്ങില്‍ തോടന്നൂര്‍ ഉപജില്ലാ വിദ്യാഭ്യാസ ഓഫീസര്‍ എം.വിനോദ്, മെമ്പര്‍ പി.പ്രശാന്ത്, മാനേജര്‍ എരഞ്ഞോളി കണ്ടി മൊയ്തു, ഹെഡ്മിസ്ട്രസ് കെ.എസ്.ജയന്തി, പിഇസി കണ്‍വീനര്‍ മനോജ്, കെ.ഫഹദ്, കെ.ശ്രീജന്‍ എന്നിവര്‍ പങ്കെടുത്തു.
സാംസ്‌കാരിക സദസ് ജില്ലാ പഞ്ചായത്ത് സ്റ്റാന്റിങ്ങ് കമ്മിറ്റി ചെയര്‍പേഴ്‌സണ്‍ കെ.വി.റീന ഉദ്ഘാടനം ചെയ്തു. ഗ്രാമ പഞ്ചായത്ത് 
പ്രസിഡന്റ് കെ.കെ.ബിജുള അധ്യക്ഷത വഹിച്ചു. ഹെഡ്മിസ്ട്രസ് കെ.എസ്.ജയന്തി സ്വാഗതം പറഞ്ഞു.
