കുനിങ്ങാട്: അകാലത്തില്‍ വിട്ടുപിരിഞ്ഞ എരോത്ത് കണ്ടി നികേഷിന്റ കുടുംബത്തിനു കുനിങ്ങാട് വാര്‍ത്തകള്‍ വാട്‌സാപ്പ് ഗ്രൂപ്പ് 
സമാഹരിച്ച സഹായധനം നികേഷ് കുടുംബ സഹായ ജനകീയ കമ്മിറ്റിക്ക് കൈമാറി. കുനിങ്ങാട് ടൗണില്‍ നടന്ന പരിപാടിയില്‍ പുറമേരി ഗ്രാമ പഞ്ചായത്ത് പ്രസിഡന്റ് അഡ്വ വി.കെ.ജ്യോതിലക്ഷ്മി ജനകീയ കമ്മിറ്റി ട്രഷറര്‍ കളത്തില്‍ ഹമീദിന് തുക കൈമാറി. മലോല്‍ പത്മനാഭന്‍ അധ്യക്ഷത വഹിച്ച ചടങ്ങില്‍ വാര്‍ഡ് മെമ്പര്‍ കെ.കെ.ബാബു, അനീഷ്, ടി.കൃഷ്ണന്‍, സി.പി.പ്രേംജിത്ത്, അശോകന്‍ കൂനാറമ്പത്ത് എന്നിവര്‍ സംസാരിച്ചു. പി.കെ.രാജീവന്‍ സ്വാഗതവും വിജേഷ് നന്ദിയും പറഞ്ഞു. കൂട്ടായ്മയിലെ മെമ്പര്‍മാരും നാട്ടുകാരും ചടങ്ങില്‍ സംബന്ധിച്ചു.
