ഒഞ്ചിയം: സിപിഎം ഒഞ്ചിയം ഏരിയാ സമ്മേളനം ശനി, ഞായര്‍ ദിവസങ്ങളില്‍ ചോമ്പാലില്‍ നടക്കും. രണ്ടു ദിവസങ്ങളിലായി 
നടക്കുന്ന പ്രതിനിധി സമ്മേളനം ഇ.എം.ദയാനന്ദന്‍ നഗറില്‍ സംസ്ഥാന സെക്രട്ടറിയറ്റംഗം ടി പി രാമകൃഷ്ണന്‍ ഉദ്ഘാടനം ചെയ്യും. ഞായര്‍ വൈകിട്ട് മുക്കാളി കേന്ദ്രീകരിച്ചു നടക്കുന്ന റെഡ് വളണ്ടിയര്‍ മാര്‍ച്ച് കുഞ്ഞിപ്പള്ളി മിനി സ്റ്റേഡിയത്തിലെ കോടിയേരി ബാലകൃഷ്ണന്‍ നഗറില്‍ സംഗമിക്കും. പൊതുസമ്മേളനത്തില്‍ ടി പി രാമകൃഷ്ണന്‍, ജില്ലാ സെക്രട്ടറി പി മോഹനന്‍ തുടങ്ങിയവര്‍ സംസാരിക്കും.
ഏരിയാസമ്മേളനത്തിന് മുന്നോടിയായി നാളെ (വെള്ളി) വൈകിട്ട് നാലിന് പതാക-ദീപശിഖ-കൊടിമര ജാഥകളുണ്ടാവും. ഒഞ്ചിയം 
രക്തസാക്ഷി സ്‌ക്വയറില്‍ നിന്നു പതാക ആര്‍.ഗോപാലന്റെ നേതൃത്വത്തില്‍ പുറപ്പെടും. കല്ലാമലയിലെ ഇ.എം.ദയാനന്ദന്റെ സ്മൃതി മണ്ഡപത്തില്‍ നിന്നു കൊടിമരവും രക്തസാക്ഷി പി.കെ.രമേശന്റെ ബലികുടീരത്തില്‍ നിന്ന് പി.രാജന്റെ നേതൃത്വത്തില്‍ ദീപശിഖയും കൊണ്ട് വരും. ഇരു ചക്രവാഹനങ്ങളുടെ അകമ്പടിയോടെ പുറപ്പെടുന്ന ജാഥകള്‍ കുഞ്ഞിപ്പള്ളിയില്‍ കേന്ദ്രീകരിച്ചു പൊതു സമ്മേളന നഗരിയില്‍ എത്തിച്ചേരും. വൈകിട്ട് ആറിന് സ്വാഗത സംഘം ചെയര്‍മാന്‍ പി.ശ്രീധരന്‍ പതാക ഉയര്‍ത്തും.
