നാദാപുരം: പാറക്കടവില്‍ ദമ്പതികള്‍ സഞ്ചരിച്ച ഇരുചക്രവാഹനത്തിന് തീപിടിച്ചു. ഭാഗ്യത്തിന് ആളപായം ഒഴിവായി.
ഇന്ന് ഉച്ചയോടെ പാറക്കടവ് കെയര്‍ & ക്യൂയര്‍ ഹോസ്പിറ്റലിനു സമീപത്തു വെച്ചാണ് ഡോക്ടറെ കണ്ടു മടങ്ങുകയായിരുന്ന ദമ്പതികള്‍ സഞ്ചരിച്ച സ്‌കൂട്ടറിനു തീപിടിത്തം ഉണ്ടായത്. ഇരിങ്ങണ്ണൂര്‍ സ്വദേശി സൗപര്‍ണികയില്‍ ഹരിദാസിന്റെ ഉടമസ്ഥതയിലുള്ള റോയല്‍ എന്‍ഫീല്‍ഡ് ബുള്ളറ്റിനാണ് തീപിടിച്ചത്. ചുറ്റും നിരവധി വാഹനങ്ങളും ഹോസ്പിറ്റലിലും കെഎസ്ഇബി ഓഫീസിലും വന്ന ആളുകളും ഉള്ളയിടത്തുണ്ടായ തീപിടിത്തം പരിഭ്രാന്തി പരത്തി. ഓടിക്കൂടിയ നാട്ടുകാര്‍ പെട്ടെന്ന് തീ അണച്ചതിനാല്‍ വലിയ അപകടം ഒഴിവായി. വിവരമറിഞ്ഞ് നാദാപുരം ഫയര്‍ & റെസ്‌ക്യൂ ഓഫീസര്‍ എസ്.വരുണിന്റെ നേതൃത്വതില്‍ ഒരു യൂണിറ്റ് സ്ഥലത്തെത്തി. നിമിഷനേരം കൊണ്ട് ഉയര്‍ന്ന തീയില്‍ നിന്ന് ഭാഗ്യം കൊണ്ടാണ് ദമ്പതികള്‍ രക്ഷപ്പെട്ടത്.
