ദിവ്യയുടെ പ്രസംഗം ആസൂത്രിതം; വിധിയിലെ വിശദാംശങ്ങള്‍ പുറത്ത്

തലശേരി: എ​ഡി​എം ന​വീ​ൻ ബാ​ബു​വി​ന്‍റെ മ​ര​ണ​ത്തി​ൽ പി.​പി.​ദി​വ്യ​യു​ടെ മു​ന്‍​കൂ​ര്‍ ജാ​മ്യാ​പേ​ക്ഷ ത​ള്ളി​ക്കൊ​ണ്ടു​ള്ള കോ​ട​തി ഉ​ത്ത​ര​വി​ന്‍റെ വി​ശ​ദാം​ശ​ങ്ങ​ള്‍ പു​റ​ത്ത്. ന​വീ​ന്‍ ബാ​ബു​വി​ന്‍റെ യാ​ത്ര​യ​യ​പ്പ് യോ​ഗ​ത്തി​ല്‍ ക്ഷ​ണി​ക്കാ​തെ​യാ​ണ് ദി​വ്യ എ​ത്തി​യ​തെ​ന്ന വാ​ദം കോ​ട​തി അം​ഗീ​ക​രി​ച്ചു. തന്റെ സഹപ്രവർത്തകരുടെയും ജീവനക്കാരുടെയും മുന്നിൽ അപമാനിതനായതിൽ മനം നൊന്ത് മറ്റ് വഴികൾ ഇല്ലാതെയാണ് എഡിഎം ജീവനൊടുക്കിയത്. ആസൂത്രിതമായാണ് ദിവ്യ ക്ഷണിക്കാത്ത പരിപാടിയിലെത്തിയത്. ദിവ്യയുടെ പങ്ക് വ്യക്തമാണെന്നും കോടതി ഉത്തരവിൽ വ്യക്തമാക്കി.
പ്ര​സം​ഗ​ത്തി​ന്‍റെ ഉ​ദ്ദേ​ശ്യം അ​പ​മാ​നി​ക്ക​ലാ​യി​രു​ന്നു. പ്ര​ത്യാ​ഘാ​തം മ​ന​സി​ലാ​ക്കി​ക്കൊ​ണ്ടാ​യി​രു​ന്നു ദി​വ്യ​യു​ടെ പ്ര​വൃ​ത്തി. അ​തു​കൊ​ണ്ട് ജാ​മ്യം ന​ല്‍​കി​യാ​ല്‍ അ​ത് തെ​റ്റാ​യ സ​ന്ദേ​ശ​മാ​കു​മെ​ന്നും 38 പേ​ജു​ള്ള വി​ധി​ന്യാ​യ​ത്തി​ല്‍ ത​ല​ശേ​രി പ്രി​ന്‍​സി​പ്പ​ല്‍ സെ​ഷ​ന്‍​സ് കോ​ട​തി വ്യ​ക്ത​മാ​ക്കി.

ദി​വ്യ​യു​ടെ നീ​ക്ക​ങ്ങ​ള്‍ മു​ന്‍​കൂ​ട്ടി ആ​സൂ​ത്ര​ണം ചെ​യ്തു​കൊ​ണ്ടു​ള്ള​താ​ണ്. ഉ​ന്ന​ത ഉ​ദ്യോ​ഗ​സ്ഥ​നെ പൊ​തു​സ​മ​ക്ഷ​ത്തി​ല്‍ പ​രി​ഹ​സി​ക്കാ​നാ​ണ് ശ്ര​മി​ച്ച​ത്.
അ​ഴി​മ​തി​യെ​ക്കു​റി​ച്ച് അ​റി​വ് ല​ഭി​ച്ചെ​ങ്കി​ല്‍ അ​ത് പോ​ലീ​സി​നെ​യോ വി​ജി​ല​ന്‍​സി​നെ​യോ ആ​ണ് അ​റി​യി​ക്കേ​ണ്ടി​യി​രു​ന്ന​ത്. ദി​വ്യ രാ​ഷ്ട്രീ​യ സ്വാ​ധീ​ന​മു​ള്ള വ്യ​ക്തി​യാ​ണ്. രാ​ഷ്ട്രീ​യ സ്വാ​ധീ​നം ഉ​പ​യോ​ഗി​ച്ച് പ്ര​തി സാ​ക്ഷി​ക​ളെ സ്വാ​ധീ​നി​ച്ചേ​ക്കാ​മെ​ന്നും ജാ​മ്യാ​പേ​ക്ഷ ത​ള്ളി​ക്കൊ​ണ്ടു​ള്ള ഉ​ത്ത​ര​വി​ൽ കോ​ട​തി വി​ല​യി​രു​ത്തി.

നവീൻ ബാബുവിന്റെ മരണത്തിന് പിന്നാലെ ഈ മാസം 17നാണ് ആത്മഹത്യാ പ്രേരണക്കുറ്റം ചുമത്തി ദിവ്യയ്‌ക്കെതിരെ കേസെടുത്തത്. കേസിൽ ദിവ്യ മാത്രമാണ് പ്രതി. ജില്ലാ പഞ്ചായത്ത് പ്രസിഡന്റായിരുന്ന ദിവ്യ യാത്രയയപ്പ് ചടങ്ങിൽ പറഞ്ഞ കൊള്ളിവാക്കുകളാണ് എഡിഎം നവീൻ ബാബു ജീവനൊടുക്കാൻ കാരണമായതെന്നാണ് കേസ്.