വടകര: മുന്‍ ദേശീയ വോളിബോള്‍ താരവും പ്രശസ്ത വോളിബോള്‍ സംഘാടകനുമായിരുന്ന പി.രാജീവന് വോളിബാള്‍ കൂട്ടായ്മയുടെ 
സ്മരണാഞ്ജലി. രാജീവന്റെ ഓര്‍മദിനത്തില്‍ സുഹൃത്തുക്കളും വോളിബോള്‍ പ്രേമികളും ഒത്തുകൂടി ഓര്‍മപൂക്കള്‍ അര്‍പിച്ചു.
വടകര മുനിസിപ്പല്‍ പാര്‍ക്ക് ഓഡിറ്റോറിയത്തില്‍ നടന്ന അനുസ്മരണം മുന്‍ മന്ത്രി സി.കെ.നാണു ഉദ്ഘാടനം ചെയ്തു. ചടങ്ങില്‍ മുന്‍ സംസ്ഥാന വോളി ബോള്‍ താരം ടി പി മുസ്തഫ അധ്യക്ഷത വഹിച്ചു. ചോറോട് പഞ്ചായത്ത് പ്രസിഡന്റ് പി പി ചന്ദ്രശേഖരന്‍, മണിയൂര്‍ പഞ്ചായത്ത് പ്രസിഡന്റ് ടി. കെ അഷ്റഫ്, നഗരസഭ വൈസ് ചെയര്‍മാന്‍ പി കെ സതീശന്‍, ഡോ. എംകെ രാധാകൃഷ്ണന്‍, പി.ഹരീന്ദ്രനാഥ്, പി.എം. മണിബാബു, പി.പി.പ്രദീപന്‍, രാഘവന്‍ മാണിക്കോത്ത്, വി.വിദ്യസാഗര്‍, സി.വി.വിജയന്‍, മെഹ്റൂഫ് 
വെള്ളികുളങ്ങര, ടി എച്ച് അബ്ദുല്‍ മജീദ് എന്നിവര്‍ സംസാരിച്ചു. മൂസ നാസര്‍ സ്വാഗതവും വി.എം ശീജിത്ത് നന്ദിയും പറഞ്ഞു
