മുയിപ്പോത്ത്: ചെറുവണ്ണൂര്‍ ഗ്രാമപഞ്ചായത്ത് ബാല കലോത്സവത്തില്‍ ചെറുവണ്ണൂര്‍ എഎല്‍പി സ്‌കൂള്‍ കലാ കിരീടം 
കരസ്ഥമാക്കി. രണ്ടാം സ്ഥാനം ആതിഥേയരായ ആവള യുപിയും മൂന്നാം സ്ഥാനം പാമ്പിരികുന്ന് എല്‍പിയും നേടി. അറബിക് സാഹിത്യോല്‍സവത്തില്‍ ആവള യുപിയും ചെറുവണ്ണൂര്‍ എഎല്‍പിയും ഒന്നാം സ്ഥാനം പങ്കിട്ടു. രണ്ടും മൂന്നും സ്ഥാനങ്ങള്‍ യഥാക്രമം ചെറുവണ്ണൂര്‍ ഈസ്റ്റ് എല്‍പിയും മുയിപ്പോത്ത് യുപിയും കരസ്ഥമാക്കി.
സമ്മാനദാനം ചെറുവണ്ണൂര്‍ ഗ്രാമപഞ്ചായത്ത് പ്രസിഡന്റ് എന്‍.ടി.ഷിജിത്ത് നിര്‍വഹിച്ചു. വൈസ് പ്രസിഡന്റ് ആദില നിമ്പ്രാസ് അധ്യക്ഷത വഹിച്ച ചടങ്ങില്‍ ഗ്രാമപഞ്ചായത്ത് അംഗങ്ങളായ എ.കെ ഉമ്മര്‍, ഷോബിഷ് ആര്‍.പി, എ. ബാലകൃഷ്ണന്‍, ബിജിഷ കെ. എം, എം. എം രഘുനാഥ്, പി. മുംതാസ്, ഇ. കെ സുബൈദ, സ്വാഗത സംഘം ജനറല്‍ കണ്‍വീനര്‍ ജി.സ്മിത, പബ്ലിസിറ്റി കമ്മിറ്റി 
ചെയര്‍മാന്‍ വിജയന്‍ ആവള, സുലൈഖ.കെ, ബിജുന.എന്‍, നിത വി.പി എന്നിവര്‍ സംബന്ധിച്ചു.
പി.ടി.എ പ്രസിഡന്റ് ഷാനവാസ് കൈവേലി സ്വാഗതവും പ്രോഗ്രാം കമ്മിറ്റി കണ്‍വീനര്‍ പി.കൃഷ്ണ കുമാര്‍ നന്ദിയും പറഞ്ഞു.
