നാദാപുരം: ദുബൈ കെഎംസിസി നാദാപുരം പഞ്ചായത്ത് കമ്മിറ്റി ഏര്‍പെടുത്തിയ സീതിസാഹിബ് വിദ്യാഭ്യാസ പുരസ്‌കാര 
സമര്‍പണത്തിന്റെ അനുബന്ധ പരിപാടിയായി നാദാപുരം മണ്ഡലത്തിലെ ഹയര്‍ സെക്കന്ററി വിദ്യാര്‍ഥികള്‍ക്കായി പ്രസംഗമത്സരം സംഘടിപ്പിച്ചു.
മുസ്ലിംലീഗ് പഞ്ചായത്ത് കമ്മിറ്റി പ്രസിഡന്റ് വലിയാണ്ടി ഹമീദ് ഉദ്ഘാടനം ചെയ്തു.
നാദാപുരം ടിഐഎം ജിഎച്ച്എസ്എസ് വിദ്യാര്‍ഥികളായ അലൂഫ ഹനൂന്‍, റനഫാത്തിമ കെ.പി, വളയം ജിഎച്ച്എസ്എസിലെ ലക്ഷ്മി സായ് അശോക് എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി.
പഞ്ചായത്ത് കെഎംസിസി സെക്രട്ടറി സലീം മുഹമ്മദ് ചേലക്കാട് അധ്യക്ഷത വഹിച്ച ഉദ്ഘാടന ചടങ്ങില്‍ എടത്തില്‍ നിസാര്‍, 
കണേക്കല്‍ അബ്ബാസ്, വി.അബ്ദുല്‍ജലീല്‍, വി.സി.ഇഖ്ബാല്‍, കെ.കെ.സി.ഹമീദ്, ഒ.നിസാര്‍, നൂര്‍ നടുവത്ത് എന്നിവര്‍ പ്രസംഗിച്ചു. സുബൈര്‍ കുറ്റിയില്‍ സ്വാഗതവും നംഷി മുഹമ്മദ് നാദാപുരം നന്ദിയും പറഞ്ഞു.
