ഓര്‍ക്കാട്ടേരി: സഹകരണ മേഖലയില്‍ നിന്നു വിരമിച്ച ജീവനക്കാര്‍ക്ക് കേരള കോ-ഓപ്പറേറ്റീവ് എംപ്ലോയീസ് സെന്റര്‍ 
(കെസിഇസി) വടകര താലൂക്ക് കമ്മിറ്റി യാത്രയയപ്പു സംഘടിപ്പിച്ചു. സംസ്ഥാന പ്രസിഡന്റ് സി.സുജിത്ത് സമ്മേളനം ഉദ്ഘാടനം ചെയ്തു. സഹകരണ മേഖലയുടെ നിലനില്‍പിനു ജീവനക്കാരുടെ പങ്ക് വളരെ പ്രധാനപ്പെട്ടതാണെന്ന് അദ്ദേഹം പറഞ്ഞു.
താലൂക്ക് പ്രസിഡന്റ് പ്രസീത്കുമാര്‍ പി പി അധ്യക്ഷത വഹിച്ചു. ഉന്നത വിജയം നേടിയ വിദ്യാര്‍ഥികള്‍ക്കുള്ള ഉപഹാര സമര്‍പ്പണം ആര്‍ജെഡി ജില്ലാ സെക്രട്ടറി പി.പി.രാജന്‍ നിര്‍വഹിച്ചു. സി പി രാജന്‍, അഡ്വ. സി വിനോദ്, പി കെ കുഞ്ഞിക്കണ്ണന്‍, ഒ മഹേഷ്, പി രമേഷ്ബാബു, മലയില്‍ ബാലകൃഷ്ണന്‍ തുടങ്ങിയവര്‍ സംസാരിച്ചു സെക്രട്ടറി ബി കെ ഗിരീശന്‍ സ്വാഗതവും രാജീവന്‍ സി കെ നന്ദിയും പറഞ്ഞു.
