കൊയിലാണ്ടി: വിയ്യൂരില്‍ എക്‌സൈസ് സംഘം നടത്തിയ റെയ്ഡില്‍ 200 ലിറ്റര്‍ വാഷ് പിടികൂടി. രഹസ്യവിവരത്തെ തുടര്‍ന്ന് 
കൊയിലാണ്ടി റെയിഞ്ച് അസി. എക്‌സൈസ് ഇന്‍സ്‌പെക്ടര്‍ (ഗ്രേഡ്) വി.പ്രജിത്തും പാര്‍ടിയും നടത്തിയ റെയ്ഡിലാണ് വാഷ് പിടികൂടിയത്.
വിയ്യൂര്‍ കളത്തിന്‍ കടവ് പുഴയോരത്ത് നടത്തിയ പരിശോധനയില്‍ കണ്ടല്‍കാടുകള്‍ക്കിടയില്‍ ഒളിപ്പിച്ച നിലയിലാണ് ചാരായം വാറ്റാനായി പാകപ്പെടുത്തിയ 200 ലിറ്റര്‍ വാഷ് കണ്ടെടുത്തത്. ഇത് സംബന്ധിച്ച് കൊയിലാണ്ടി റെയിഞ്ചില്‍ കേസ് രജിസ്റ്റര്‍ ചെയ്തു. പരിശോധനയില്‍ അസി.എക്‌സ് സൈസ് (ഗ്രേഡ്) ഇന്‍സ്‌പെക്ടര്‍മാരായ പ്രവീണ്‍ ഐസക്ക്, പി.സി.ബാബു, സിഇഒ വിപിന്‍, ഡ്രൈവര്‍ സന്തോഷ് കുമാര്‍ എന്നിവര്‍ പങ്കെടുത്തു.
