ഒഞ്ചിയം: ചോമ്പാല ഉപജില്ല ശാസ്‌ത്രോത്സവത്തിന്റെ ഭാഗമായി നടന്ന പ്രവൃത്തി പരിചയമേളയില്‍ ഒഞ്ചിയം ഗവണ്മെന്റ് യുപി സ്‌കൂളിന് ഓവറോള്‍കിരീടം. ശാസ്ത്ര, സാമൂഹ്യശാസ്ത്ര, ഗണിതശാസ്ത്ര മേളകളിലും സ്‌കൂളിലെ കുട്ടികള്‍ മികച്ച പ്രകടനമാണ് കാഴ്ചവച്ചത്. ഈ വിജയത്തിലുള്ള ആഹ്ലാദം പങ്കുവെക്കുന്നതിന് ബാന്‍ഡ് മേളത്തിന്റെ
അകമ്പടിയോടെ പ്രകടനം നടത്തി. അധ്യാപകരും വിദ്യാര്‍ഥികളും രക്ഷിതാക്കളും നാട്ടുകാരും ആഹ്ലാദ പ്രകടനത്തില്‍ അണിചേര്‍ന്നു.അധ്യാപക രക്ഷാകര്‍തൃ യോഗം വിദ്യാര്‍ഥികളെ അനുമോദിച്ചു. പി.ടി.എ പ്രസിഡന്റ് ശ്രീകാന്ത് അധ്യക്ഷത വഹിച്ചു. പ്രമോദ് എം.എന്‍, റീന.എന്‍, പ്രീതി കെ.കെ, എസ്എംസി മെമ്പര്‍ ഹരിദാസന്‍.കെ.കെ എന്നിവര്‍ പ്രസംഗിച്ചു.
