കൊയിലാണ്ടി: ഓട്ടത്തിനിടയില്‍ നാനോ കാര്‍ പൂര്‍ണമായി കത്തി നശിച്ചു. വ്യാഴാഴ്ച രാത്രി 9.30 ഓടു കൂടി ചെങ്ങോട്ടുകാവ്-
പൊയില്‍കാവ് ദേശീയപാതയിലാണ് സംഭവം. കോഴിക്കോട് ഭാഗത്തേക്ക് പോവുകയായിരുന്ന നാനോ കാര്‍ പൊടുന്നനെ കത്തിയമരുകയായിരുന്നു. തീ ഉയരുന്നത് കണ്ട ഉടനെ യാത്രക്കാര്‍ പുറത്തിറങ്ങിയതിനാല്‍ ആളപായം ഒഴിവായി. വിവരം കിട്ടിയതിനെ തുടര്‍ന്ന് കൊയിലാണ്ടിയില്‍ നിന്നും ഗ്രേഡ് എഎസ്ടിഒ എം.മജീദിന്റെ നേതൃത്വത്തില്‍ അഗ്‌നിരക്ഷാസേന എത്തുകയും തീ അണയ്ക്കുകയും ചെയ്തു.
