വടകര: മേപ്പയില്‍ മഹാത്മാ റസിഡന്‍സ് അസോസിയേഷന്റെ ഒമ്പതാമത് വാര്‍ഷികാഘോഷവും കുടുംബ സംഗമവും ഹൃദ്യമായി. മിഡറ്റ് കോളജ് ക്യാമ്പസില്‍ കെ.പി.ഗോപാലന്‍ നഗറില്‍ നടന്ന ആഘോഷപരിപാടികള്‍ എസ്എന്‍ഡിപി യോഗം വടകര യൂനിയന്‍ സെക്രട്ടറിയും മഹാത്മാ റസിഡന്‍സ് അസോസിയേഷന്‍ രക്ഷാധികാരിയുമായ
പി.എം.രവീന്ദ്രന്‍ ഉദ്ഘാടനം ചെയ്തു. പ്രസിഡന്റ് നിശാന്ത് അധ്യക്ഷത വഹിച്ചു. വാറണ്ട് ഓഫീസറായി റിട്ടയര്‍ ചെയ്ത കെ.പി.വിനോദ് കുമാര്‍ പുതിയെടുത്തിനെ ആദരിച്ചു. എസ്എസ്എല്‍സി, പ്ലസ് ടു വിജയികളെയും മറ്റ് മേഖലകളില്‍ കഴിവ് തെളിയിച്ച വിദ്യാര്‍ഥികളെയും അനുമോദിച്ചു. നന്മ റസിഡന്‍സ് അസോസിയേഷന്‍ സെക്രട്ടറി പി.കെ.
പ്രമോദ് കുമാര്‍, മഹാത്മാ റസിഡന്‍സ് അസോസിയേഷന്‍ രക്ഷാധികാരി പി.കെ.നാരായണന്‍, ഇ.ടി.കെ.രാഘവന്‍ എന്നിവര്‍ ആശംസകള്‍ നേര്‍ന്നു. അസോസിയേഷന്‍ സെക്രട്ടറി പി.കെ.സുജേഷ് സ്വാഗതവും ട്രഷറര്‍ രാജേഷ് നന്ദിയും പറഞ്ഞു.
