വേളം: പെരുവയല്‍ തലവഞ്ചേരി ശിവക്ഷേത്രത്തിനു സമീപത്തെ വീട്ടിനുള്ളില്‍ ജീര്‍ണിച്ച നിലയില്‍ മൃതദേഹം കണ്ടെത്തി. 
കണിശന്റെ മീത്തല്‍ വീട്ടിലാണ് ഇന്നലെ രാത്രിയോടെ മൃതദേഹം കണ്ടെത്തിയത്. പുഴുവരിച്ച് അസ്ഥികൂടമായ നിലയിലാണ് മൃതദേഹം. വീട്ടില്‍ തനിച്ച് താമസിച്ചിരുന്ന ദിനേശനെ ദിവസങ്ങളായി കാണാനില്ലെന്നാണ് പറയുന്നത്. നരിപ്പറ്റയിലുള്ള സഹോദരി ദിനേശനെ ഫോണില്‍ ബന്ധപ്പെടാന്‍ ശ്രമിച്ചെങ്കിലും കഴിഞ്ഞില്ല. തുടര്‍ന്ന് ബന്ധുക്കള്‍ വീട്ടില്‍ എത്തിയപ്പോഴാണ് ജീര്‍ണിച്ച നിലയില്‍ മൃതദേഹം കാണുന്നത്. കുറ്റ്യാടി പോലീസ് സ്ഥലത്തെത്തി.
