വടകര: കോഴിക്കോട് റവന്യു ജില്ലാ സ്‌കൂള്‍ സ്‌പോര്‍ട്‌സ് അണ്ടര്‍ 19 വോളിബോള്‍ ചാമ്പ്യന്‍ഷിപ്പില്‍ വടകര ഉപജില്ല ജേതാക്കളായി. 
മേപ്പയില്‍ ഐപിഎം സ്‌പോര്‍ട്‌സ് അക്കാദമിയില്‍ നടന്ന ചാമ്പ്യന്‍ഷിപ്പിന്റെ ഫൈനലില്‍ ഒന്നിനെതിരെ രണ്ടു സെറ്റുകള്‍ക്ക് കുന്ദമംഗലത്തെയാണ് വടകര തോല്‍പിച്ചത്. അത്യന്തം വാശിയേറിയ കലാശപ്പോരില്‍ ആദ്യ സെറ്റ് 25-16 എന്ന നിലയില്‍ വടകര സ്വന്തമാക്കിയപ്പോള്‍ രണ്ടാം സെറ്റ് 25-21 എന്ന സ്‌കോറില്‍ കുന്ദമംഗലം കൈയ്യടക്കി. കളിക്കാരിലും കാണികളിലും ആവേശം നിറച്ച മൂന്നാം സെറ്റ് 15-11 എന്ന നിലയില്‍ നേടി വടകര വിജയക്കൊടി പാറിച്ചു.
