നാദാപുരം: വാണിമേലില്‍ യുവാക്കളെ അക്രമിച്ച് പരിക്കേല്‍പിച്ച സംഭവത്തില്‍ അറസ്റ്റിലായ പ്രതികള്‍ റിമാന്റില്‍. വാണിമേല്‍
നിടുംപറമ്പ് സ്വദേശികളായ പടിഞ്ഞാറക്കണ്ടി അനുരാഗ് (27), കുനിയില്‍ ഷിബു (26), നൊച്ചിക്കാട്ട് വീട്ടില്‍ നബില്‍ രാജ് (27), മുള്ളമ്പത്ത് സ്വദേശി പള്ളിയാറ പൊയ്യില്‍ അശ്വന്ത് (29) എന്നിവരെയാണ് വളയം പോലീസ് അറസ്റ്റ് ചെയ്തത്.
കഴിഞ്ഞ ശനിയാഴ്ച രാത്രിയാണ് അക്രമം. വാണിമേല്‍ കൂളിക്കുന്ന് സ്വദേശികളായ ഏച്ചിപ്പതേമ്മല്‍ അവിനാഷ് (30), പൊടിപ്പില്‍ വിപിന്‍ലാല്‍ (24) എന്നിവര്‍ ഭൂമിവാതുക്കല്‍ നിന്ന് ബൈക്കില്‍ വീട്ടിലേക്ക് പോകുന്ന വഴിയില്‍ കന്നുകുളം മണികണ്ഠമഠത്തിന് സമീപത്ത് വെച്ച് അക്രമി സംഘം ബൈക്ക് തടഞ്ഞു നിര്‍ത്തി കണ്ണില്‍ മുളക് സ്‌പ്രേ അടിച്ചതിന് ശേഷം മാരകായുധങ്ങളുപയോഗിച്ച് അക്രമിക്കുകയായിരുന്നെന്നാണ് പരാതി. കാലിനും കൈക്കും പൊട്ടലേല്‍ക്കുകയും മുറിവേല്‍ക്കുകയും ചെയ്തു. സംഭവത്തില്‍ വധശ്രമം ഉള്‍പ്പെടെയുള്ള വകുപ്പുകള്‍ ചേര്‍ത്താണ് പോലീസ് കേസ് രജിസ്റ്റര്‍ ചെയ്തത്. 
കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
