മണിയൂര്‍: ഒക്ടോബര്‍ 19, 20 തിയ്യതികളില്‍ കോഴിക്കോട് മെഡിക്കല്‍ കോളജ് ഗ്രൗണ്ടില്‍ നടക്കുന്ന തണല്‍ ഇന്റര്‍ സ്‌കൂള്‍ സ്‌പോര്‍ട്‌സ്-ഇന്‍ഫിനിറ്റോയുടെ ഭാഗമായി തണല്‍ മൈല്‍ സ്റ്റോണ്‍ മണിയൂര്‍ സ്‌കൂളിലെ കുട്ടികള്‍ ദീപശിഖാ പ്രയാണം നടത്തി. വടകര ഡിവൈഎസ്പി ആ.ഹരിപ്രസാദ് ഫ്‌ലാഗ് ഓഫ് ചെയ്തു. മണിയൂര്‍ എഞ്ചിനീയറിംഗ് കോളജിലെ എന്‍എസ്എസ്
വളണ്ടിയര്‍മാര്‍, കുറുന്തോടി യുപി സ്‌കൂള്‍, ഐപിസി സ്‌കൂള്‍, ഡിഎച്എം ടിടിഐ, ജവഹര്‍ നവോദയ വിദ്യാലയം എന്നിവിടങ്ങളിലെ വിദ്യാര്‍ഥികള്‍, നാട്ടുകാര്‍, രക്ഷിതാക്കള്‍ എന്നിവര്‍ അണിനിരന്നു. ശേഷിയില്‍ ഭിന്നരായ മക്കളുടെ യാത്രയെ നാട്ടുകാര്‍ ഹര്‍ഷാരവം മുഴക്കി സ്വീകരിച്ചു.
