കൊയിലാണ്ടി: രാഷ്ട്രീയ സ്വയംസേവക സംഘത്തിന്റെ 99-ാം പിറന്നാള്‍ ദിനമായ വിജയദശമി നാളില്‍ കൊയിലാണ്ടി 
ഖണ്ഡില്‍ പഥസഞ്ചലനവും പൊതുപരിപാടിയും നടത്തി. പഥസഞ്ചലനം കീഴൂര്‍ വായനശാലക്ക് സമീപത്തു നിന്ന് ആരംഭിച്ച് പള്ളിക്കര റോഡിലൂടെ പെരുമാള്‍പുരം ശിക്ഷേത്ര മൈതാനിയില്‍ സമാപിച്ചു.പൊതുപരിപാടിക്ക് തൊട്ടുമുന്‍പ് അടുത്ത വര്‍ഷത്തെ കേസരി വാരികയുടെ പ്രചാര മാസപ്രവര്‍ത്തനങ്ങളുടെ ഉദ്ഘാടന ഖണ്ഡ് സംഘചാലക് വി.എം.രാമകൃഷ്ണനില്‍ നിന്നു കെ രാജന്‍ ആദ്യ കോപ്പി ഏറ്റു വാങ്ങികൊണ്ട് നിര്‍വഹിച്ചു. തുര്‍ന്നു നടന്ന പൊതുപരിപാടിയില്‍ ഖണ്ഡ് സംഘചാലക് വി.എം.രാമകൃഷ്ണന്റെ സാന്നിധ്യത്തില്‍ ഗിന്നസ് ബുക്ക് റെക്കോര്‍ഡ് വിന്നര്‍ സുധീഷ് പയ്യോളി അധ്യക്ഷത വഹിച്ചു. രാഷ്ട്രീയ സ്വയംസേവക സംഘം ഉത്തര കേരള പ്രാന്ത സഹകാര്യവാഹ് പി.പി.സുരേഷ് ബാബു പ്രഭാഷണം നടത്തി. കൊയിലാണ്ടി ഖണ്ഡ് 
കാര്യവാഹ് കെ. ഷാജി സ്വാഗതവും ഖണ്ഡ് സഹകാര്യവാഹ് കെ.രാജേഷ് നന്ദിയും പറഞ്ഞു..
