മനാമ: പുതുപ്പണം ബഹ്റൈന്‍ പ്രവാസി കൂട്ടായ്മ സംഘടിപ്പിച്ച ‘പുതുപ്പണം ഫെസ്റ്റ് 2024’ എന്ന പരിപാടി ഹൃദ്യമായി. ഹൂറ കാലിക്കറ്റ് 
ഫുഡ് സ്റ്റോറീസ് ഹാളില്‍ നടന്ന പരിപാടി കലാവിരുന്നായിമാറി. കൂട്ടായ്മ അംഗങ്ങളും സുഹൃത്തുക്കളും സജീവമായി പങ്കെടുത്തു.
രഖില്‍ രവീന്ദ്രന്റെ അധ്യക്ഷതയില്‍ നടന്ന പരിപാടിയില്‍ തരുണ്‍ കുമാര്‍, ഹാസിഫ്, അഖിലേഷ്, നസീര്‍, രജിത്ത് എന്നിവര്‍ ആശംസകള്‍ നേര്‍ന്നു. പ്രസിഡന്റ് വിന്‍സന്റ് ജെയിംസ് സ്വാഗതവും സെക്രട്ടറി മുസ്തഫ നന്ദിയും പറഞ്ഞു.
വിഭവ സമൃദ്ധമായ ഓണ സദ്യയ്ക്ക് ശേഷം കൂട്ടായ്മ കലാകാരന്മാരുടെ കലാവിരുന്ന് അരങ്ങേറി. ഗാന സദസ്, കുട്ടികളുടെയും മുതിര്‍ന്നവരുടെയും ഗെയ്മുകള്‍ എന്നിവ ആഘോഷത്തിന് മാറ്റുകൂട്ടി.
