വട്ടോളി: വൈവിധ്യമാര്‍ന്ന പരിപാടികളുമായി വിവിധ ക്ഷേത്രങ്ങളില്‍ നവരാത്രി ആഘോഷം. കുന്നുമ്മല്‍ ശ്രീ ഭഗവതി 
ക്ഷേത്രത്തില്‍ ഇന്ന് വൈകീട്ട് ദീപാരാധന, സരസ്വതീപൂജ, പ്രാദേശിക കലാകാരന്മാര്‍ അവതരിപ്പിക്കുന്ന പരിപാടികള്‍, നാളെ വൈകീട്ട് ആയുധ പൂജ, വാഹന പൂജ, 7 മണിക്ക് വട്ടോളി ഉപാസനയുടെ സംഗീതാര്‍ച്ചന, മാതൃസമിതിയുടെ തിരുവാതിര, കൈകൊട്ടിക്കളി, നൃത്തങ്ങള്‍ ഗാനാലാപനം, 13 -ാം തിയ്യതി വിദ്യാരംഭം എഴുത്തിനിരുത്ത് എന്നിവം നടക്കും.
അമ്പലക്കുളങ്ങര ശ്രീ പാര്‍വ്വതി പരമേശ്വര ക്ഷേത്രത്തില്‍ ഇന്ന് ദുര്‍ഗാഷ്ടമി ദിനത്തില്‍ ഗ്രന്ഥം വെപ്പ്, നാളെ മഹാനവമി ദിനത്തില്‍ ഗ്രന്ഥപൂജ, ആയുധ പൂജ, വാഹന പൂജ, 13ന് വിജയദശമി ദിനത്തില്‍ വിവിധ പൂജകള്‍ രാവിലെ വിദ്യാരംഭം എന്നിവയും വൈകീട്ട് പ്രഭാഷണവും നടക്കും.
വട്ടോളി ശിവക്ഷേത്രത്തിലും വിവിധ പരിപാടികളോടെ നവരാത്രി ആഘോഷങ്ങള്‍ തുടങ്ങി. നാട്ടിന്‍പുറത്തെ വിവിധ 
ക്ഷേത്രങ്ങള്‍ ദീപാലങ്കാരം നടത്തിയും ഭക്തരെ സ്വാഗതം ചെയ്യാനായി ഒരുങ്ങി കഴിഞ്ഞു.
-ആനന്ദന്‍ എലിയാറ
