മണിയൂർ: ചെരണ്ടത്തൂരിലെ എംഎച്ച്ഇഎസ് കോളേജിൽ യൂണിയൻ തെരഞ്ഞെടുപ്പ് അട്ടിമറിക്കാനുള്ള എംഎസ്എഫ് നീക്കത്തിനെതിരെ പ്രതിഷേധിച്ച എസ്എഫ്ഐ പ്രവർത്തകർക്ക് നേരെ പോലീസ് അതിക്രമം നടത്തിയതായി എസ്എഫ്ഐ. എസ്എഫ്ഐ ഏരിയ സെക്രട്ടറി രോഹിത് (25), പ്രസിഡന്റ് അനഘ് രാജ് (24) വൈ.പ്രസിഡന്റ് എസ്. വിഷ്ണു (22) എന്നിവർക്കാണ് പരിക്കേറ്റത്. പരിക്കേറ്റവരെ വടകര സഹകരണ ആശുപത്രിയിൽ
പ്രവേശിപ്പിച്ചു. കലിക്കറ്റ് സർവകലാശാലയ്ക്ക് കീഴിലുള്ള കോളേജ് യൂണിയൻ തെരഞ്ഞെടുപ്പിന്റെ ഭാഗമായി എംഎച്ച്ഇഎസ് കോളേജിൽ നോമിനേഷൻ സമർപ്പിച്ച എം.എസ്.എഫിന്റെ ചെയർമാൻ, ജോയിൻ സെക്രട്ടറി, രണ്ട് യൂ യൂസി , ചീഫ് സ്റ്റുഡന്റ് എഡിറ്റർ, സൈക്കോളജി റെപ്പ് , മാനേജ്മെന്റ് സ്റ്റഡിസ്റെപ്പ് , പീജി റെപ്പ് എന്നീ എം എസ് എഫ് സ്ഥാനാർത്ഥികളുടെ നോമിനേഷൻ പിഴവ് കാരണം റിട്ടേണിംഗ് ഓഫീസർ തള്ളിയിരുന്നു. എംഎസ്എഫ് ന്റെ നിർബന്ധത്തിനു വഴങ്ങി തള്ളിയ നോമിനേഷനുകൾ വീണ്ടും സ്വീകരിക്കാൻ കോളേജ് അധികൃതർ തീരുമാനിക്കുകയായിരുന്നു. നോമിനേഷനിൽ
അക്ഷരത്തെറ്റ് ഉണ്ടെങ്കിൽ സ്വീകരിക്കാമെന്ന് നിലപാടാണ് ഡീൻ എടുത്തിരുന്നത്.ഒപ്പിലും തീയതിയിലും പിഴവുള്ളത് സ്വീകരിക്കരുതെന്നും പറഞ്ഞിരുന്നു എന്നാൽ എംഎസ്എഫ് പ്രവർത്തകരുടെ നോമിനേഷൻ സ്വീകരിക്കുന്ന നിലപാടാണ് കോളേജ് അധികൃതർ സ്വീകരിച്ചത്. ഇത് ചോദ്യം ചെയ്ത് പ്രവർത്തകർ പ്രിൻസിപ്പലിനെ ഉപരോധിച്ചിരുന്നു. സമാധാനപരമായി പ്രതിഷേധിക്കുകയായിരുന്ന എസ്എഫ്ഐ പ്രവർത്തകർക്ക് നേരെയാണ് പോലീസ് ഒരു കാരണവുമില്ലാതെ അതിക്രമം നടത്തിയത് എന്ന് എസ്എഫ്ഐ ഐ പ്രവർത്തകർ പറഞ്ഞു.
