വടകര: സാംസ്‌കാരിക പ്രവര്‍ത്തകനും പ്രഭാഷകനും ചോറോട് പഞ്ചായത്ത് പ്രസിഡന്റുമായിരുന്ന ടി.വി.ബാലന്‍ മാസ്റ്ററെ 
ഏകതാര മീഡിയ നേതൃത്വത്തില്‍ അനുസ്മരിച്ചു. സഹൃദയ റസിഡന്‍സ് ഹാളില്‍ വി.ടി.മുരളി അനുസ്മരണം ഉദ്ഘാടനം ചെയ്തു. ജീവിതകാലം മുഴുവന്‍ ചിട്ടയായ പൊതുപ്രവര്‍ത്തനം നടത്തിയ ടി.വി.ബാലന്‍ മാസ്റ്റര്‍ പുതുതലമുറക്ക് മാതൃകയാണെന്ന് വി.ടി.മുരളി പറഞ്ഞു. അദ്ദേഹം രചിച്ച കവിതകളും നാടക-രാഷ്ട്രീയ ഗാനങ്ങളും ലേഖനങ്ങളും ശേഖരിച്ച് പുസ്തകമാക്കണമെന്ന് വി.ടി.മുരളി പറഞ്ഞു.
ടി.കെ.വിജയ രാഘവന്‍, ടി.രാജന്‍, എം.എം.സോമശേഖരന്‍, അനില്‍ ആയഞ്ചേരി, ഗീത ചോറോട്, സി.സി.രാജന്‍, ആര്‍.വിശ്വന്‍, സജീവന്‍ ചോറോട് എന്നിവര്‍ സംസാരിച്ചു.
