തിക്കോടി: മുതിർന്ന പൗരന്മാരോട് അധികാരികൾ കാണിക്കുന്ന അവഗണനക്കെതിരെ പ്രതിഷേധം. സീനിയർ സിറ്റിസൺസ് ഫോറം തിക്കോടി യൂണിറ്റ് നേതൃത്വത്തിൽ ഗ്രാമപഞ്ചായത്ത് ഓഫീസിന് മുമ്പിൽ ധർണ നടത്തി. ജില്ലാ കമ്മിറ്റിയംഗം ഇബ്രാഹിം തിക്കോടി ധർണ ഉദ്ഘാടനം ചെയ്തു. യൂണിറ്റ് പ്രസിഡണ്ട് ശാന്തകുറ്റിയിൽ അധ്യക്ഷത
വഹിച്ചു. സ്റ്റേറ്റ് കൗൺസിലർ ബാലൻ കേളോത്ത്, ലീല യു.വി, പി. കെ ശ്രീധരൻ, അബ്ദുൽ ഖാദർ പറപ്പാളകം, രവി നവരാഗ്, അബൂബക്കർ കെ.എം, മണിയോത്ത് ബാലകൃഷ്ണൻ, സുമതി വായാടി, ടി. കരുണാകരൻ, ആമിന എന്നിവർ സംസാരിച്ചു. യൂണിറ്റ് സെക്രട്ടറി പി. രാമചന്ദ്രൻ നായർ സ്വാഗതം പറഞ്ഞു. തുടർന്ന് പഞ്ചായത്ത് സെക്രട്ടറിക്ക് നിവേദനം കൈമാറി.
