ആയഞ്ചേരി: ആയഞ്ചേരി ഗ്രാമപഞ്ചായത്ത് സ്‌കൂള്‍ കായികമേളയില്‍ കടമേരി എംയുപി സ്‌കൂള്‍ ഓവറോള്‍ കിരീടം 
കരസ്ഥമാക്കി. പൊന്മേരി എല്‍പി സ്‌കൂള്‍ രണ്ടാം സ്ഥാനവും ആയഞ്ചേരി റഹ്‌മാനിയ എച്ച്എസ് മൂന്നാം സ്ഥാനവും നേടി.
മേള പഞ്ചായത്ത് പ്രസിഡന്റ് എന്‍.അബ്ദുല്‍ഹമീദ് ഉദ്ഘാടനം ചെയ്തു. സ്റ്റാന്റിങ് കമ്മിറ്റി ചെയര്‍മാന്‍ അഷ്‌റഫ് വെള്ളിലാട്ട് അധ്യക്ഷത വഹിച്ച ചടങ്ങില്‍ വാര്‍ഡ് മെംബര്‍ ടി.കെ.ഹാരിസ്, ജനപ്രതിനിധികളായ പി.അബ്ദുറഹിമാന്‍, എ.കെ.സുബൈര്‍, പഞ്ചായത്ത് ഇംപ്ലിമെന്റിംഗ് ഓഫീസര്‍ നാസര്‍ ആക്കായില്‍, കണ്‍വീനര്‍ സി.സി.കുഞ്ഞബ്ദുല്ല, പ്രധാനാധ്യാപകന്‍ ടി.കെ.നസീര്‍, കെ.അശ്വന്ത് എന്നിവര്‍ സംസാരിച്ചു. വിജയികള്‍ക്കുള്ള ട്രോഫിയും മെഡലുകളും അഷ്‌റഫ് വെള്ളിലാട്ട് വിതരണം ചെയ്തു.
