പയ്യോളി: ലോക വയോജന ദിനത്തില്‍ പയ്യോളിയിലെ ആദമിന് വിദ്യാര്‍ഥികളുടെ ആദരം. തിക്കോടിയന്‍ സ്മാരക ഗവ. വൊക്കേഷണല്‍ ഹയര്‍ സെക്കന്ററി സ്‌കൂളിലെ എന്‍എസ്എസ് യൂണിറ്റാണ് ആദരിക്കല്‍ പരിപാടി സംഘടിപ്പിച്ചത്. മുച്ചക്ര വാഹനത്തില്‍ ആദം പയ്യോളിയില്‍ പതിവായി ഉണ്ടാകാറുണ്ട്. അധ്യാപകനും സാഹിത്യകാരനുമായ സോമന്‍ കടലൂര്‍ ആദമിനെ 
പൊന്നാട അണിയിച്ചു. പി.ടി.എ പ്രസിഡന്റ് സബീഷ് കുന്നങ്ങോത്ത് അധ്യക്ഷത വഹിച്ചു. എന്‍എസ്എസ് പ്രോഗ്രാം ഓഫീസര്‍ ഡോ. ഗീത എം.ടി, സിനി ആര്‍.എസ്, ഡോക്ടേഴ്‌സ് ലാബ് മാനേജര്‍ ഷാജി എന്നിവര്‍ പങ്കെടുത്തു.
