വടകര: ദേശീയപാതയില്‍ നാദാപുരം റോഡില്‍ കാര്‍ നിയന്ത്രണം വിട്ട് മറിഞ്ഞ് ആറു പേര്‍ക്ക് പരിക്ക്. കൊയിലാണ്ടി 
സ്വദേശികളായ ഇവരെ വടകര പാര്‍ക്കോ ഹോസ്പിറ്റലില്‍ പ്രവേശിപ്പിച്ചു. സി.പി.സിനാന്‍ (18), സിനാന്‍ (19), മുഹമ്മദ് റിഷാദ് (19), ആദില്‍ (20), മജീദ് (20), സെയ്ഫു (21) എന്നിവര്‍ക്കാണ് പരിക്ക്. ഇന്ന് രാവിലെ ഊരാളുങ്കല്‍ ലേബര്‍ കോണ്‍ട്രാക്ട് കോഓപ്പറേറ്റീവ് സൊസൈറ്റി ആസ്ഥാനത്തിനു സമീപമാണ് അപകടം. കണ്ണൂര്‍ എയര്‍പോര്‍ട്ടില്‍ നിന്ന് കൊയിലാണ്ടിയിലേക്ക് മടങ്ങുമ്പോള്‍ കാര്‍ നിയന്ത്രണം വിട്ട് മറിയുകയായിരുന്നു. പരിക്കേറ്റവരെ ഊരാളുങ്കല്‍ സൊസൈറ്റി ജീവനക്കാരും നാട്ടുകാരും ചേര്‍ന്ന് 
ആശുപത്രിയിലെത്തിച്ചു. ചോമ്പാല പോലീസ് സ്ഥലത്തെത്തി.
