വടകര: കോഴിക്കോട് റവന്യൂജില്ല അണ്ടര്‍ 17 പെണ്‍കുട്ടികളുടെ വോളിബോള്‍ ചാമ്പ്യന്‍ഷിപ്പില്‍ തോടന്നൂര്‍ ഉപജില്ല ചാമ്പ്യന്മാര്‍. ഈ ടീമില്‍ മേമുണ്ട ഹയര്‍സെക്കന്ററിയുടെ സമ്പൂര്‍ണ ആധിപത്യം. ടീമിലെ മുഴുവന്‍ കളിക്കാരും മേമുണ്ടയിലെ
വിദ്യാര്‍ഥികളാണ് ആദ്യ മത്സരത്തില്‍ കുന്നുമ്മല്‍ ഉപജില്ലയെയും സെമിയില്‍ കോഴിക്കോട് റൂറലിനെയും പരാജയപ്പെടുത്തിയ തോടന്നൂര്‍ ഫൈനലില്‍ കുന്നമംഗലം സബ്ജില്ലയെ പരാജയപ്പെടുത്തിയാണ് ചാമ്പ്യന്മാരായത്. മേമുണ്ട സ്‌കൂളിലെ റിതിക മുരളി, മിന്‍സാര എസ്, ശ്രീനന്ദ ആര്‍ വി എന്നിവര്‍ക്ക് കോഴിക്കോട് ജില്ലാ ടീമിലേക്ക് സെലക്ഷന്‍ കിട്ടി.
