കു​ട്ടി​ക​ളു​ടെ അ​ശ്ലീ​ല ദൃ​ശ്യ​ങ്ങ​ള്‍ കാ​ണു​ന്ന​തും സൂ​ക്ഷി​ക്കു​ന്ന​തും കു​റ്റ​ക​രം: സു​പ്രീം ​കോ​ട​തി

ന്യൂ​ഡ​ല്‍​ഹി: കു​ട്ടി​ക​ളു​ടെ അ​ശ്ലീ​ല ദൃ​ശ്യ​ങ്ങ​ള്‍ ഡൗ​ണ്‍​ലോ​ഡ് ചെ​യ്യു​ന്ന​തും സൂ​ക്ഷി​ക്കു​ന്ന​തും പോ​ക്‌​സോ നി​യ​മ​പ്ര​കാ​രം കു​റ്റ​ക​ര​മെ​ന്ന് സു​പ്രീം​കോ​ട​തി. വീ​ഡി​യോ ഡൗ​ണ്‍​ലോ​ഡ് ചെ​യ്യു​ന്ന​ത് കു​റ്റ​ക​ര​മ​ല്ലെ​ന്ന മ​ദ്രാ​സ് ഹൈ​ക്കോ​ട​തി വി​ധി സു​പ്രീം​കോ​ട​തി റ​ദ്ദാ​ക്കി.
ഏ​തെ​ങ്കി​ലും ത​ര​ത്തി​ൽ നേ​ട്ട​മു​ണ്ടാ​ക്കാ​നു​ള്ള ഉ​ദ്ദേ​ശ്യ​ത്തോ​ടെ​യാ​ണ് ദൃ​ശ്യ​ങ്ങ​ൾ സൂ​ക്ഷി​ക്കു​ന്ന​ത് എ​ന്ന് തെ​ളി​യി​ക്ക​പ്പെ​ടു​ക​യാ​ണെ​ങ്കി​ൽ പോ​ക്സോ നി​യ​മ​ത്തി​ന്‍റെ പ​രി​ധി​യി​ൽ വ​രു​മെ​ന്നും ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ്, ജ​സ്റ്റീ​സു​മാ​രാ​യ ജെ.​ബി. പ​ര്‍​ദി​വാ​ല, മ​നോ​ജ് മി​ശ്ര എ​ന്നി​വ​ര​ട​ങ്ങി​യ ബെ​ഞ്ച് വ്യ​ക്ത​മാ​ക്കി.
ചൈ​ല്‍​ഡ് പോ​ണോ​ഗ്ര​ഫി എ​ന്ന പ​ദ​ത്തി​ന് പ​ക​രം ചൈ​ല്‍​ഡ് സെ​ക്ഷ്വ​ല്‍ ആ​ന്‍​ഡ് എ​ക്‌​സ്പ്ലോ​റ്റീ​വ് ആ​ന്‍​ഡ് അ​ബ്യൂ​സ് മെ​റ്റീ​രി​യ​ല്‍ എ​ന്ന പ്ര​യോ​ഗം കൊ​ണ്ട് വ​രാ​ന്‍ സു​പ്രീം​കോ​ട​തി കേ​ന്ദ്ര സ​ര്‍​ക്കാ​രി​നോ​ട് നി​ര്‍​ദേ​ശി​ച്ചു. ഇ​തി​നാ​യി ഓ​ര്‍​ഡി​ന​ന്‍​സ് ഉ​ട​ന്‍ കൊ​ണ്ടു​വ​ര​ണ​മെ​ന്നും സു​പ്രീം​കോ​ട​തി കേ​ന്ദ്ര സ​ര്‍​ക്കാ​രി​നോ​ട് ആ​വ​ശ്യ​പ്പെ​ട്ടു.
മൊ​ബൈ​ല്‍ ഫോ​ണി​ല്‍ കു​ട്ടി​ക​ളു​ടെ അ​ശ്ലീ​ല ദൃ​ശ്യം ഡൗ​ണ്‍​ലോ​ഡ് ചെ​യ്ത ഇ​രു​പ​ത്തെ​ട്ടു​കാ​ര​നെ​തി​രാ​യ കേ​സ് ക​ഴി​ഞ്ഞ ജ​നു​വ​രി 11നാ​ണ് മ​ദ്രാ​സ് ഹൈ​ക്കോ​ട​തി റ​ദ്ദാ​ക്കി​യ​ത്. കു​ട്ടി​ക​ളു​ടെ അ​ശ്ലീ​ല വി​ഡി​യോ​ക​ൾ ഡൗ​ൺ​ലോ​ഡ് ചെ​യ്ത് കാ​ണു​ന്ന​ത് പോ​ക്‌​സോ നി​യ​മ​പ്ര​കാ​ര​വും ഐ​ടി ആ​ക്ട് പ്ര​കാ​ര​വും കു​റ്റ​ക​ര​മ​ല്ലെ​ന്ന് ഹൈ​ക്കോ​ട​തി വി​ധി​ച്ചി​രു​ന്നു.
ഇ​തി​നെ​തി​രെ ജ​സ്റ്റ് റൈ​റ്റ്സ് ഫോ​ര്‍ ചി​ല്‍​ഡ്ര​ന്‍ അ​ല​യ​ന്‍​സ്, ഡ​ല്‍​ഹി​യി​ലെ ബ​ച്പ​ന്‍ ബ​ച്ചാ​വോ ആ​ന്ദോ​ള​ന്‍ എ​ന്നീ സം​ഘ​ട​ന​ക​ളാ​ണ് സു​പ്രീം​കോ​ട​തി​യെ സ​മീ​പി​ച്ച​ത്. മ​ദ്രാ​സ് ഹൈ​ക്കോ​ട​തി​യു​ടെ വി​ധി​യി​ല്‍ വ​ലി​യ പി​ഴ​വു​ണ്ടെ​ന്ന് ചൂ​ണ്ടി​ക്കാ​ട്ടി​യ സു​പ്രീം​കോ​ട​തി വി​ചാ​ര​ണ​ക്കോ​ട​തി വി​ഷ​യം വീ​ണ്ടും പ​രി​ശോ​ധി​ച്ച് തീ​രു​മാ​ന​മെ​ടു​ക്ക​ണ​മെ​ന്ന് നി​ര്‍​ദേ​ശി​ച്ചു.