ബെംഗളൂരു: കര്ണാടകയിലെ ഷിരൂരില് മണ്ണിടിച്ചിലില് കാണാതായ അര്ജുനും മറ്റ് രണ്ട് പേര്ക്കും വേണ്ടിയുള്ള ഡ്രഡ്ജിങ്ങില് ക്രാഷ് ഗാര്ഡ് കിട്ടിയെന്ന് ലോറിയുടമ മനാഫ്. ഇത് അര്ജുന് ഓടിച്ച വണ്ടിയുടെ ക്രാഷ് ഗാര്ഡാണെന്നും മനാഫ് പറഞ്ഞു. നേരത്തെ, പൊട്ടി വീണ ഇലക്ട്രിക് ടവറിന്റെ ഒരുഭാഗവും ഒരു കെട്ട് കയറും കണ്ടെത്തിയിരുന്നു. നാവിക സേന സംഘം മാര്ക്ക് ചെയ്ത സ്ഥലത്ത് നിന്നാണ് കയര് കിട്ടിയത്. കണ്ടെത്തിയ കയര് അര്ജുന് ഓടിച്ച ലോറിയുടേതാണെന്ന് വാഹനത്തിന്റെ ഉടമ മനാഫ് മാധ്യമങ്ങളോ് പ്രതികരിച്ചിരുന്നു.
ഇനിയും നീളത്തില് കയര് ഉണ്ടെന്നും ഇതിന്റെ അറ്റം പിടിച്ച് പോയാല് ലോറിയിലേക്ക് എത്താനാകുമെന്നാണ് പ്രതീക്ഷയെന്നും മനാഫ് പറയുന്നു. ഇപ്പോള് തെരയുന്ന ഭാഗത്ത് തന്നെ ലോറി ഉണ്ടാകുമെന്ന് കരുതുന്നുവെന്നും മനാഫ് പറഞ്ഞു.
അതേസമയം, തെരച്ചിലിന് വീണ്ടും കാലാവസ്ഥ വെല്ലുവിളിയാവുകയാണ്. അടുത്ത മൂന്ന് ദിവസം ഉത്തര കന്നഡ ജില്ലയിലും തീരദേശ കര്ണാടകയിലെ ജില്ലകളിലും ശക്തമായ മഴ മുന്നറിയിപ്പാണ് കേന്ദ്ര കാലാവസ്ഥ വകുപ്പ് നല്കുന്നത്. ഇത് ഷിരൂരിലെ തെരച്ചില് പ്രതിസന്ധിയിലാക്കിയേക്കും. ഡ്രഡ്ജര് ഉപയോഗിച്ചുള്ള തെരച്ചിലിനും തടസമാകും.