സീ​താ​റാം യെ​ച്ചൂ​രി​ക്ക് രാജ്യത്തിന്റെ വിട; ഭൗതിക ശരീരം എ​യിം​സിന് കൈ​മാ​റി

ന്യൂ​ഡ​ൽ​ഹി: സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​ക്ക് രാ​ജ്യം വി​ട ന​ൽ​കി. ഭൗതിക ശരീരം വി​ല​പ​യാ​ത്രയായി ഡ​ൽ​ഹി
എ​യിം​സ് അ​ധി​കൃ​ത​ർ​ക്ക് കൈ​മാ​റി. പാ​ർ​ട്ടി​യി​ലെ മു​തി​ർ​ന്ന നേ​താ​ക്ക​ളും പാ​ർ​ട്ടി പ്ര​വ​ർ‌​ത്ത​ക​രും എ​കെ​ജി ഭ​വ​നി​ൽ നി​ന്നാ​രം​ഭി​ച്ച വി​ലാ​പ​യാ​ത്ര​യി​ൽ പ​ങ്കെ​ടു​ത്തു.
വൈ​കു​ന്നേ​രം 3.15 ഓ​ടെ പാ​ര്‍​ട്ടി ആ​സ്ഥാ​ന​മാ​യ എ​കെ​ജി സെ​ന്‍റ​റി​ലെ പൊ​തു​ദ​ര്‍​ശ​നം പൂ​ര്‍​ത്തി​യാ​ക്കി​യ ശേ​ഷ​മാ​ണ് വി​ലാ​പ​യാ​ത്ര ആ​രം​ഭി​ച്ച​ത്. അ​ദ്ദേ​ഹ​ത്തി​ന്‍റെ ആ​ഗ്ര​ഹ​പ്ര​കാ​ര​മാ​ണ് പ​ഠ​ന​ത്തി​ന് ഭൗ​തി​ക​ശ​രീ​രം എ​യിം​സി​ന് വി​ട്ടു​ന​ൽ​കിയത്. യെച്ചൂരിക്ക് അന്ത്യഘട്ടത്തിൽ ചികിത്സ നൽകിയ ആൾ ഇന്ത്യ ഇൻസ്റ്റി റ്റ്യൂട്ട് ഓഫ്   മെഡിക്കൽ സയൻസസിലേയ്ക്ക് തന്നെയാണ് മൃതശരീരം കൈമാറിയത്. വിദ്യാർഥികൾക്ക് പഠനത്തിനായി സ്വന്തം ശരീരം സമർപ്പിക്കുക എന്നത് അദ്ദേഹത്തിന്റെ നിശ്ചയമായിരുന്നു. വൈകുന്നേരം 4.45 ഓടെയാണ്  മെഡിക്കൽ ഇൻസ്റ്റിറ്റ്യൂട്ട് മൃതദേഹം ഏറ്റുവാങ്ങിയത്.
ശ്വാ​സ​കോ​ശ അ​ണു​ബാ​ധ​യെ തു​ട​ര്‍​ന്ന് ഡ​ല്‍​ഹി എ​യിം​സി​ല്‍ ചി​കി​ത്സ​യി​ലാ​യി​രി​ക്കെ​യാ​യി​രു​ന്നു യെ​ച്ചൂ​രി​യു​ടെ വി​യോ​ഗം. കോ​ണ്‍​ഗ്ര​സ് നേ​താ​വ് സോ​ണി​യ ഗാ​ന്ധി, എ​ന്‍​സി​പി ദേ​ശീ​യ അ​ധ്യ​ക്ഷ​ന്‍ ശ​ര​ദ് പ​വാ​ര്‍, എ​എ​പി നേ​താ​വ് മ​നീ​ഷ് സി​സോ​ദി​യ തു​ട​ങ്ങി​യ​വ​രും യെ​ച്ചൂ​രി​ക്ക് അ​ന്തി​മോ​പ​ചാ​രം അ​ര്‍​പ്പി​ച്ചു